Latur: पत्नीच्या प्रचार सभेतच पतीचा मृत्यू, नेमकं काय घडलं?

Latur Husband Death: ग्रामपंचायत निवडणुकीत पत्नीला सरपंच म्हणून निवडून द्या यासाठी प्रचार करणाऱ्या 45 वर्षीय पतीचा जाहीर सभेतच हृदयविकाराच्या झटक्याने निधन झाल्याची घटना लातूरमध्ये घडली आहे.
पत्नीच्या प्रचार सभेतच पतीचा मृत्यू
पत्नीच्या प्रचार सभेतच पतीचा मृत्यू(फाइल फोटो)

अनिकेत जाधव, प्रतिनिधी (लातूर)

45 year old husband died of a heart attack in election campaign meeting: लातूर: तब्बल 32 वर्ष गावात आपल्याच चुलत भावाची असणारी सत्ता उलथवून टाकण्यासाठी 45 वर्षीय अमर पुंडलिक नाडे यांनी यंदा शड्डू ठोकला होता. थेट सरपंचपदासाठी (Sarpanch) त्यांनी आपल्या पत्नीलाच (Wife) निवडणुकीच्या (election) रिंगणात उतरवलं होतं. अनेक वर्ष चुलत भावाच्या हातात ग्रामपंचायत (Grampanchayat) असून देखील गावाचा फारसा विकास झालाच नाही असं अमर नाडेंना (Amar Nade) वाटत होतं त्यामुळेच आता आपण स्वत: भावाविरोधात रिंगणात उतरलं पाहिजे असं ठरवून अमर नाडेंनी नवा डावा माडंला होता. पण नियतीला हे काही मान्य नव्हतं. अन् अमर नाडेंनी मांडलेला डाव काळानं अर्ध्यातच मोडला... (45 year old husband died of a heart attack in a campaign meeting organized for his wife to be elected as sarpanch)

दुर्देवाची बाब अशी की, आपली पत्नी सरपंच म्हणून निवडून यावी, तिला तुम्ही भरघोस मतं असं म्हणून खाली बसलेल्या अमर नाडेंना अवघ्या काही क्षणात हृदयविकाराच्या झटक्याने मृत्यू झाला. ही घटना ज्या पद्धतीने घडली त्यांचा चटका अवघ्या मुरुड गावाला बसला आहे.

पत्नीच्या प्रचार सभेतच पतीचा मृत्यू
गिरीश महाजनांचा दणका : मिटकरींच्या गावातील राष्ट्रवादीचे सर्व ग्रामपंचायत सदस्य अपात्र

नेमकी घटना काय?

लातूर जिल्ह्यातील मुरुड या गावच्या ग्रामपंचायत निवडणुकीच्या प्रचार सभेत अमर पुंडलिक नाडे (वय 45 वर्ष) यांचे आकस्मात निधन झाले. मयत अमर यांच्या पत्नी अमृता नाडे या सरपंच पदाच्या उमेदवार आहेत. त्यांच्याच प्रचारार्थ मुरुड शहरातील चौकात काल (14 डिसेंबर) सायंकाळी जाहीर सभा आयोजित करण्यात आली होती. दरम्यान, या सभेत भाषण करुन खाली बसल्यानंतर अवघ्या काही मिनिटातच अमर नाडे यांच्या छातीत दुखू लागलं. आपल्या पत्नीला छातीत जरा जास्त दुखतंय असं त्यांनी आपल्या पत्नीला सांगितलं आणि ते थेट खुर्चीवरून खालीच कोसळले.

यानंतर त्यांना तिथून तात्काळ लातूरच्या शासकीय रुग्णालयात उपचारासाठी दाखल करण्यात आले. मात्र, हृदयविकाराचा झटका तीव्र असल्याने त्यांचा उपचाराआधीच मृत्यू झाला असल्याचे डॉक्टरांनी सांगितलं.

पत्नीच्या प्रचार सभेतच पतीचा मृत्यू
ग्रामपंचायत सदस्याच्या पतीची तलवार दाखवत दहशत; घटना सीसीटीव्हीत कैद

भावाची सत्ता उलथवण्यासाठी मांडलेला निवडणुकीचा डाव

BE प्रोडक्शन इंजिनिअरिंग झालेल्या अमर नाडे यांनी त्यांचे चुलत बंधू दिलीपदादा नाडे ज्यांच्या हातात मागील 32 वर्षापासून ग्रामपंचायतची सत्ता आहे यांच्या विरोधात आपलं पॅनल उभं केलं होतं. याआधी देखील त्यांनी भावाविरोधात पॅनल उभं केलं होतं. पण त्यावेळी त्यांना यश आलं नव्हतं. पण तरीही हार न मानता त्यांनी यंदा पुन्हा आपल्या पत्नीला निवडणुकीच्या रिंगणात उतरवलेलं.

अमर नाडेंनी निवडणुकीत उभं केलेलं स्वत:चं पॅनल
अमर नाडेंनी निवडणुकीत उभं केलेलं स्वत:चं पॅनल

अमर नाडे हे लातूरमध्ये भारतीय जनता पक्षाच्या जिल्हा सरचिटणीस या पदावर कार्यरत होते. तसेच ते मुरुडच्या अष्टविनायक शैक्षणिक संस्थेचे ते अध्यक्षही होते. त्यांच्या आकस्मिक निधनाने संपूर्ण गावावरच शोककळा पसरली आहे.

Related Stories

No stories found.
logo
Mumbai Tak
www.mumbaitak.in