दूधात भेसळ ते अस्वच्छता, तुकाराम मुंढेंनी मुंबईत 5 हॉटेल्सचा बाजार उठवला..
mumbai fda action : धाराशिवमधील दूध भेसळ प्रकरणानंतर अन्न व औषध प्रशासनाने मुंबईसह उपनगरांमध्ये मोठी धडक कारवाई केली. अनेक नामांकित हॉटेल्स, डेअरी आणि आस्थापनांचे परवाने निलंबित करत भेसळ व अस्वच्छतेवर कठोर कारवाई करण्यात आली.
ADVERTISEMENT
बातम्या हायलाइट
दूधात भेसळ ते अस्वच्छता
तुकाराम मुंढेंनी मुंबईत 5 हॉटेल्सचा बाजार उठवला..
mumbai fda action : धाराशिवमध्ये तब्बल 23 लाख लिटर दुधामध्ये भेसळ झाल्याचे प्रकरण समोर आल्यानंतर अन्न व औषध प्रशासनाने राज्यभर कारवाईचा धडाका सुरू केला असून त्याचा मोठा फटका आता मुंबईतील अनेक नामांकित हॉटेल्स, डेअरी आणि खाद्य व्यवसायांना बसला आहे. मुंबईच्या कोर भागासह उपनगरांमध्ये धाडी टाकून केलेल्या तपासणीत अनेक ठिकाणी अस्वच्छता, अन्नपदार्थांमधील गंभीर त्रुटी आणि भेसळीचे प्रकार समोर आल्याने तीन ते चार हॉटेल्सचे परवाने निलंबित करण्यात आले आहेत.
हेही वाचा : 'तिनं दुसऱ्यावर प्रेम करावं, हा विचारच मला सहन होत नव्हता..' तरुणीवर कॉलेजमध्येच सपासप वार
मुंबईकरांची पसंती असलेल्या अनेक आस्थापनांवर कारवाई
या कारवाईमध्ये चर्चगेट परिसरातील प्रसिद्ध पारशी डेअरी फार्म, मोहम्मद अली रोडवरील शालीमार हॉस्पिटॅलिटी प्रायव्हेट लिमिटेड, तसेच गोरेगाव, गोवंडी आणि भेंडी बाजार परिसरातील अनेक आस्थापनांचा समावेश आहे. अनेक दशकांपासून सुरू असलेल्या आणि मुंबईकरांची पसंती असलेल्या काही आस्थापनांवरही ही कारवाई झाल्याने मोठी खळबळ उडाली आहे. याशिवाय रुस्तम आईस्क्रीम या प्रसिद्ध आस्थापनाचाही परवाना रद्द करण्यात आला आहे.
हेही वाचा : मोठी बातमी : सोनम वांगचुक यांना दिल्ली पोलिसांनी रुग्णालयात नेलं, उपोषणामुळे प्रकृती खालावली
