Pune : एक हप्ता चुकला म्हणून रीकव्हरी एजंटकडून घरात घुसून मारहाण, मॅनेजरसह दोघांवर गुन्हा दाखल

वानवडीतील शांतीनगर येथील रहिवासी 46 वर्षीय मंगेश भुसारी यांनी 27 मार्च (गुरुवार) ला संध्याकाळी 6:30 वाजता वानवडी पोलिसात एफआयआर दाखल केला. तेव्हा ही घटना उघडकीस आली. पोलिसांनी भारतीय न्याय संहिता 2023 च्या कलमांखाली गुन्हा दाखल केला आहे. 

हे ही वाचा >>वाल्मिक कराड आणि सुदर्शन घुलेसोबत तुरुंगात काय घडलं? दोन टोळ्या भिडल्याच्या माहितीनंतर खळबळ

अटक केलेल्यांमध्ये पर्वतीमधील जनता वसाहत परिसरात राहणाऱ्या आकाश पुरुषोत्तम सापा (32),  ऋषिकेश नागनाथ चंदनशिवे (26), बजाज फायनान्सचे व्यवस्थापक हर्षद झिमण यांचा समावेश आहे. व्यवसायाने बँकर असलेल्या भुसारी यांनी सांगितलं की, त्यांनी त्यांच्या मुलीच्या शिक्षणासाठी आणि वडिलांच्या वैद्यकीय खर्चासाठी बजाज फायनान्सकडून 7.73 लाख रुपयांचं पर्सनल लोन घेतलं होतं. 

दरम्यान,  दरमहा 18,070 रुपये हप्ता निश्चित करण्यात आला होता. तसंच विमा आणि प्रक्रिया शुल्कासाठी 43,000 रुपये आगाऊ कापले होते.  त्यामुळे त्यांच्या खात्यात 6.85 लाख रुपये आले होते. भुसारी यांनी सांगितलं की, ते नियमितपणे हप्ते भरत होते. पण कुटुंबातील सदस्यांच्या वैद्यकीय खर्चामुळे एक हप्ता चुकला.