शक्तीवर्धक औषधांच्या अतिसेवणामुळे अशोक खरातला आला होता अर्धांगवायूचा झटका; अजूनही पुर्णपणे रिकव्हर नाही

Ashok Kharat Case, प्रवीण ठाकरे : नाशिकचा भोंदू बाबा अशोक खरात प्रकरणात रोज नवीन खुलासे झालेला पाहायला मिळत आहेत. दरम्यान, आता SIT पथकाने खरातची HIV टेस्ट निगेटिव्ह आल्याची माहिती दिली आहे. मात्र दैवी शक्ती असल्याचा दावा करणाऱ्या खरातला दीड वर्षांपूर्वी अर्धांगवायूचा सौम्य झटका आला होता, अशी माहिती आता समोर आली आहे. विशेष म्हणजे, शक्तीवर्धक औषधांच्या अतिसेवनामुळे झाला होता. खरात आपली लैंगिक क्षमता वाढवण्यासाठी शक्तिवर्धक आणि उत्तेजक औषधांचे मोठ्या प्रमाणात सेवन करत होता. या औषधांच्या अतिसेवनामुळे त्याला अर्धांगवायूचा झटका बसला. दीड वर्ष उलटल्यानंतरही खरात पूर्णपणे बरा झालेला नाही. त्याच्या एका हाताची हालचाल आजही मर्यादित आहे. त्याच्या भुवया खाली-वर दिसून येतात, जे अर्धांगवायूच्या झटक्याचे लक्षण मानले जाते. यावर त्याने भाविकांच्या पैश्यावर अमेरिकेत उपचार केल्याची चर्चा आहे.