Beed: बायकोकडून नवऱ्याला बेदम मारहाण, प्रायव्हेट पार्टवर मारल्या लाथा.. पतीचा जागीच गेला जीव!

नेमकी घटना काय?

कैलास सरवदे (वय 37) असे मृत पतीचे नाव आहे. कैलासची बहिण ज्योती तरकसे हिने दिलेल्या फिर्यादीनुसार, फिर्यादीच्या तक्रारीनुसार, कैलास सरवदे याचे लग्न सात वर्षांपूर्वी माया हिच्याशी झाले होते. माया हिचे हे दुसरे लग्न असून पहिल्या पतीपासून तिला दोन मुली तर कैलासपासून एक मुलगा आणि एक मुलगी आहे. कैलास हा शरीराने दिव्यांग होता. याशिवाय त्याला दारू पिण्याचे व्यसनही होते. त्याच्या याच व्यसनामुळे त्याचे पत्नी मायाशी नेहमी वाद होत असत. तर माया ही कैलास याला नेहमी उपाशी ठेवत असे असा आता तिच्यावर आरोप करण्यात येत आहे.

हे ही वाचा>> अंगावरचे कपडे फाडून पत्नीला अर्धनग्न केलं, नंतर भर रस्त्यात... 'त्या' शिक्षिकेसोबत पतीने नेमकं काय केलं?

10 सप्टेंबर रोजी दुपारी अडीच वाजताच्या सुमारास कैलास हा दारू पिऊन घरी आल्यावर दोघांमध्ये पुन्हा वाद झाला. माया हिने संतापाच्या भरात कैलासला खाली पाडून पोटावर व प्रायव्हेट पार्टवर लाथाबुक्क्यांनी मारहाण केली. घरच्यांनी व शेजाऱ्यांनी हा वाद सोडवण्याचा प्रयत्न केला असता मायाने त्यांना थेट सांगितलं की, 'तुम्ही हस्तक्षेप करू नका, दररोज हा दारु पिऊन असाच करतो, मी याला फुकट सांभाळायचं का?' असे म्हणत त्यांनाही शिवीगाळ केली. त्यानंतर काही वेळाने कैलास घराशेजारी बेशुद्ध पडलेला दिसला.

त्यानंतर नातेवाईकांनी त्याला ऑटोरिक्षाने सरकारी दवाखान्यात नेले. पण त्याला डॉक्टरांनी मृत घोषित केले. सुरुवातीला मृत्यू दारूच्या अतिसेवनामुळे झाला असा समज होता. मात्र, दुसऱ्या दिवशी 11 सप्टेंबर रोजी झालेल्या शवविच्छेदन अहवालात कैलासचा मृत्यू मारहाणीत प्रायव्हेट पार्टवर झालेल्या गंभीर दुखापतींमुळे झाल्याचे स्पष्ट झाले.