हे ही वाचा : 'द फॅमिली मॅन' सिनेमातील अभिनेत्याचा ह्रदयविकाराच्या झटक्याने मृत्यू, ‘एक दूजे के लिए’ मधून केला होता डेब्यू

सुरुवातीला मुलीचे नाव चुकीचे सांगितले

सकाळी सकाळीच अनैतिक मानवी वाहतूक प्रतिबंध कक्षाच्या प्रभारी अधिकारी असलेल्या पोलीस उप निरीक्षक पल्लवी जाधव यांना एक फोन आला. त्यांना अशी माहिती मिळाली की, 12 वाजता कपिलधार देवस्थान (ता. जि. बीड) येथे एका 16 वर्षाच्या मुलीचा बालविवाह होणार आहे. त्यावरून पल्लवी जाधव या साध्या वेशामध्ये  टीमसह तिथं दाखल झाल्या. त्याठिकाणी दोन-तीन लग्नकार्य सुरु होती.  माणसांची पण खूप गर्दी होती, म्हणून सर्व टीम पहिल्या हॉलमध्ये दाखल झाली. तिथं गेल्यावर पल्लवी जाधव यांनी एका महिलेला नवऱ्या मुलीचे नाव विचारले असता तिने मुलीचे नाव चुकीचे सांगितले. टीम तेथून बाहेर पडणार तोच मुलीचे आडनाव विचारले तर ते बरोबर सांगितले. 

आडनावावरुन ओळख पटली

उपस्थित लोकांनी नाव चुकीचे सांगितले म्हणून पोलिसांची टीम तिथून जाणार होती. मात्र आडनावावरुन त्यांना संशय आला. अधिक तपास केला असता तीच मुलगी असल्याचे समोर आले. यानंतर मुलीला ताब्यात घ्यायला टीम जाणार तोच वऱ्हाडी मंडळींना पोलीस असल्याचा संशय असल्याने त्यांची पळापळ सुरु झाली. एवढ्या गर्दीत पल्लवी जाधव यांनी मुलीला ताब्यात घेतले व गर्दीचा फायदा घेऊन नवरदेव मुलगा पळून गेला. हॉलमध्ये हजर असलेल्या व पळणाऱ्या लोकांना थांबायला सांगून त्यांना पल्लवी जाधव यांनी बालविवाह प्रतिबंध अधिनियम बाबत जन जागृतीपर मार्गदर्शन केले. पीडित मुलीला विश्वासात घेवून तिचे समुपदेशन केले. सदर पीडित मुलीचे आई-वडील व मामा तसेच नवरदेव राजेंद्र शिंदे व त्याचे आई वडील फरार झाल्याने त्याच्या नातेवाईकांना ताब्यात घेण्यात आले.