बीड : मानलेल्या भावास आत्महत्येपासून रोखताना प्राध्यापक मडॅम 80 टक्के भाजल्या, अशा अवस्थेही जबाब दिला
Beed Crime News : मानलेले भाऊ धनाजी आर्य यांनी त्यांना फोन करून कॉलेजमधील राजकारणामुळे आपल्याला मोठा त्रास होत असल्याने आता जगण्याची इच्छा उरली नसल्याचे सांगितले. भावाचा जीव धोक्यात असल्याचे लक्षात येताच ममता यांनी तात्काळ जवळगाव फाटा गाठला. त्या ठिकाणी धनाजी आर्य हे हातात डिझेलची बाटली घेऊन स्वतःला संपवण्याच्या तयारीत होते.
ADVERTISEMENT
बातम्या हायलाइट
बीड : मानलेल्या भावास आत्महत्येपासून रोखलं,
पण प्राध्यापक मडॅम 80 टक्के भाजल्या, अशा अवस्थेही जबाब दिला
Beed Crime News , रोहिदास हातागळे / बीड : येथील एका नामांकित संस्थेतील प्राध्यापिका डॉ. ममता शामसुंदर जखोटिया (राठी) यांच्या जळीत प्रकारचे सत्य अखेर त्यांच्या जबाबानंतर समोर आले आहे. मानलेला भाऊ धनाजी आर्य यांना आत्महत्येपासून रोखताना अपघाताने मी भाजले असे ममता राठी यांनी जबाबातून स्पष्ट केले आहे. त्यामुळे या दुर्घटनेबाबतीत सुरु असलेल्या घातपाताच्या चर्चांना पूर्णविराम मिळाला आहे. दरम्यान, ममता राठी यांच्यावर लातूर येथील खासगी रुग्णालयात उपचार सुरू असून त्यांची प्रकृती अतिचिंताजनक आहे.
मानलेल्या भावाला वाचवण्यासाठी गेल्या पण 80 टक्के भाजल्या
याप्रकरणी अधिक माहिती अशी की, डॉ. ममता राठी (रा. पिताजी माउली नगरी, अंबाजोगाई) या अंबाजोगाई येथील एका नामांकित महाविद्यालयात वाणिज्य विषयाच्या प्राध्यापिका म्हणून कार्यरत आहेत. 4 जानेवारी रोजी त्यांचे सहकारी आणि मानलेले भाऊ धनाजी आर्य यांनी त्यांना फोन करून कॉलेजमधील राजकारणामुळे आपल्याला मोठा त्रास होत असल्याने आता जगण्याची इच्छा उरली नसल्याचे सांगितले. भावाचा जीव धोक्यात असल्याचे लक्षात येताच ममता यांनी तात्काळ जवळगाव फाटा गाठला. त्या ठिकाणी धनाजी आर्य हे हातात डिझेलची बाटली घेऊन स्वतःला संपवण्याच्या तयारीत होते.
हेही वाचा : बीड हादरलं, ट्युशनला जात असलेल्या अल्पवयीन मुलीला कारमधून उचलून नेलं, डोंगरात निर्जनस्थळी बलात्कार
धनाजी आर्य स्वतःच्या अंगावर डिझेल ओतत असताना ममता यांनी धाडसाने त्यांच्या हातातील बाटली हिसकावून घेण्याचा प्रयत्न केला. या झटापटीत बाटलीतील डिझेल ममता यांच्या अंगावर सांडले. ममता यांनी धनाजीच्या हातातील काडीपेटी देखील फेकून दिली, त्याच वेळी त्यांच्या कोटाला अचानक आग लागली. नंतर या आगीत अंगालाही जाळ लागल्याने ममता राठी या गंभीररीत्या भाजल्या गेल्या. घटनास्थळी उपस्थित असलेल्या नागरिकांनी आणि धनाजी आर्य यांनी आग विझवण्याचा प्रयत्न केला आणि ममता यांना तातडीने उपचारासाठी लातूर येथील रुग्णालयात हलवले असे त्यांनी बर्दापूर पोलिसांना दिलेल्या जबाबात सविस्तर कथन केले आहे. सध्या ममता राठी यांच्यावर लातूरच्या खासगी रुग्णालयात उपचार सुरू असून 80 टक्के भाजल्याने त्यांची प्रकृती अतिचिंताजनक आहे.
हे वाचलं का?
