Maratha Reservation : तरुण शेतात गेला अन्…, ‘ते’ दृश्य पाहून आईने फोडला हंबरडा

बीडमध्ये (Beed) मराठा आरक्षणासाठी शरद अशोक मते या तरूणाने आत्महत्या केल्याची दुदैवी घटना घडली आहे. ही घटना तालुक्यातील नाथापूर पासून जवळच असलेले शहाजानपूर सहजपूर लोणी येथे घडलीय. 24 ऑक्टोबरच्या दुपारी 2 वाजता शरदने शेतात जाऊन आत्महत्येसारखं टोकाचं पाऊल उचललं आहे.

हे ही वाचा : Dasara Melava: ‘ठाकरेंनी पवार साहेबांकडे दोन माणसं पाठवलेली..’, मुख्यमंत्री पदावरून शिंदेंचा गौप्यस्फोट

दरम्यान मुलगा शरद कुठेच सापडत नसल्याने आईने शेतात जाऊन पाहिले असता तिने जोरजोरात रडायला सुरूवात केली. आईचा हंबरडा एकूण गावात ही घटना उघडकीस आली. या घटनेची माहिती पिंपळनेर पोलीस स्टेशनला देण्यात आली. त्यानंतर पोलिसांनी तत्काळ घटनास्थळ गाठत मृतदेह खाली उतरवला. यावेळी मृतदेहाची तपासणी करणयात आली. या तपासणी दरम्यान पोलिसांना शरदच्या खिशात एक चिठ्ठी आढळली. या चिठ्ठीत मराठा आरक्षण सरकार देत नाही याच्या विरोधात आत्महत्या करत आहे असा मजकूर लिहिलेला असल्याची माहिती देण्यात आली आहे. या घटनेने गावात खळबळ उडाली आहे.

दरम्यान सध्या राज्यात मराठा आरक्षणाचा मुद्दा ऐरणीवर आला आहे. या मुद्यावरून मुख्यमंत्री एकनाथ शिंदे यांनी आरक्षणाबाबत सकारात्मकता दाखवत मराठा तरूणांना आत्महत्येसारखे टोकाचे पाऊल उचलण्याचे आवाहन केले आहे. या आवाहनानंतर देखील मराठा तरूण आत्महत्येसारखं टोकाचं पाऊल उचलत आहे.

हे ही वाचा : मुख्यमंत्र्यांनी मध्येच भाषण थांबवून शिवरायांची घेतली शपथ, नेमकं प्रकरणं काय?