कुटुंबियांकडून बॉयफ्रेंडची हत्या, तरुणीने बॉडीसोबत लग्न केलं, पण मृतदेहासोबत लग्न करणे कायद्याने गुन्हा आहे का?
Nanded News : कुटुंबियांकडून बॉयफ्रेंडची हत्या, तरुणीने बॉडीसोबत लग्न केलं, पण मृतदेहासोबत लग्न करणे कायद्याने गुन्हा आहे का?
ADVERTISEMENT
बातम्या हायलाइट
कुटुंबियांकडून बॉयफ्रेंडची हत्या, तरुणीने बॉडीसोबत लग्न केलं
पण मृतदेहासोबत लग्न करणे कायद्याने गुन्हा आहे का?
Nanded News : मुलीसोबत असलेल्या प्रेमसंबंध रागातून सक्षम ताटे या तरुणाचा अत्यंत क्रूर पद्धतीने खून करण्यात आल्याची धक्कादायक घटना गुरुवारी सायंकाळी नांदेड शहरातील जुन्या गंज परिसरात घडली. आचल या तरुणीसोबत सक्षम ताटे याचे सुमारे तीन वर्षांपासून प्रेमसंबंध होते. दोघेही एकत्र राहून आयुष्य घडवण्याचे स्वप्न पाहत होते. मात्र, या नात्याविषयी माहिती मिळताच आचलच्या घरच्यांनी तीव्र नाराजी व्यक्त केली. त्यांचा या आंतरजातीय प्रेमसंबंधाला विरोधा होता. त्यामुळे सक्षमला वेगळे करण्याचे प्रयत्न सुरू होते. या विरोधाची परिसीमा तेव्हा झाली, जेव्हा मुलीच्या वडिलांनी, भावांनी आणि त्यांच्या सहकाऱ्यांनी मिळून सक्षमवर हल्ला चढवला. प्रथम त्याच्यावर गोळीबार करण्यात आला आणि त्यानंतर फरशीने डोक्यात वार करून त्याचा जागीच मृत्यू झाला. या भयावह कृत्यामुळे परिसरात खळबळ उडाली आहे.
दरम्यान, प्रियकराच्या मृत्यूनंतर प्रेयसी आचल हिने त्याच्या मृतदेहासोबत विवाह केलाय. यावेळी तिने आई-वडिलांना फाशी देण्याची मागणी देखील केली आहे. दरम्यान, मृतदेहासोबत लग्न करणे भारतीय कायद्यानुसार गुन्हा आहे का? याबाबतची माहिती जाणून घेऊयात..
मृतदेहासोबत लग्न करणे भारतीय कायद्यानुसार गुन्हा आहे का?
भारतात लग्न हा दोन जिवंत व्यक्तींमधील सामाजिक, धार्मिक आणि कायदेशीर करार मानला जातो. विवाहाची संकल्पना ही सहमती, कायदेशीर क्षमता आणि दोन्ही व्यक्ती जिवंत असणे या अटींवर आधारित आहे. अशा परिस्थितीत, मृत व्यक्तीसोबत विवाह करण्याचा प्रश्नच उद्भवत नाही. मात्र काही ठिकाणी भावनिक कारणांमुळे किंवा अंधश्रद्धेमुळे मृतदेहासमोर लग्न केल्याच्या घटना समोर आल्या आहेत. या पार्श्वभूमीवर मृतदेहासोबत लग्न करणे हा गुन्हा आहे का, याबाबत भारतीय न्याय संहितेत (Bharatiya Nyaya Sanhita 2023 – BNS) तसेच इतर कायद्यांमध्ये काय तरतूद आहे, याबाबत जाणून घेऊयात..
हे वाचलं का?
