शैक्षणिक पात्रता

या पदांसाठी आवश्यक असलेल्या शैक्षणिक पात्रतेनुसार, 'असिस्टंट' पदासाठी उमेदवाराकडे 60% गुणांसह बी.कॉम पदवी आणि ICAI किंवा ICMAI कडून घेतलेली मध्यवर्ती परीक्षा उत्तीर्ण असणे आवश्यक आहे. 'असिस्टंट मॅनेजर (फायनान्स)' या पदासाठी बी.कॉम सह CA/CMA किंवा MBA (फायनान्स) किंवा संबंधित विषयातील पदव्युत्तर डिप्लोमा असणे अनिवार्य आहे. वयाची अट 1 जानेवारी 2026 रोजी 18 ते 30 वर्षांच्या दरम्यान असावी, तर नियमानुसार अनुसूचित जाती/जमाती प्रवर्गासाठी 5 वर्षे आणि ओबीसी प्रवर्गासाठी 3 वर्षांची सवलत देण्यात आली आहे.

हे ही वाचा : मुंबईची खबर : म्हाडाकडून लवकरच 900 घरांसाठी लॉटरी, आता मुंबईत 'या' ठिकाणी मिळणार हक्काचं घर

कधी होणार परीक्षा?

भरतीसाठी अर्जाचे शुल्क सामान्य, ओबीसी आणि ईडब्ल्यूएस प्रवर्गातील उमेदवारांसाठी 500 रुपये निश्चित करण्यात आले आहे, तर अनुसूचित जाती, जमाती, माजी सैनिक आणि ट्रान्सजेंडर उमेदवारांना शुल्कातून पूर्ण सूट देण्यात आली आहे. निवड झालेल्या उमेदवारांना नवी दिल्ली किंवा भारतामध्ये कोठेही नियुक्ती दिली जाऊ शकते. या पदांसाठीची निवड प्रक्रिया परीक्षेच्या माध्यमातून पार पडणार असून, ही परीक्षा जून 2026 मध्ये होण्याची शक्यता आहे.

हे ही वाचा : Labh Drishti Yog 2026: शुक्र आणि शनीमुळे लवकरच लाभ दृष्टी योग, 'या' 4 राशी होणार मालामाल!

'ही' आहे शेवटची तारीख

इच्छुक आणि पात्र उमेदवारांनी आपले अर्ज ऑनलाइन पद्धतीने सादर करणे आवश्यक आहे. अर्ज करण्याची अंतिम तारीख 1 मे 2026 रोजी रात्री 11:45 वाजेपर्यंत आहे. शेवटच्या क्षणी होणारी तांत्रिक अडचण टाळण्यासाठी उमेदवारांनी मुदतीपूर्वीच आपले अर्ज आणि शुल्क सादर करावे, असे आवाहन महामंडळाकडून करण्यात आले आहे. अधिक माहितीसाठी उमेदवारांनी महामंडळाच्या अधिकृत संकेतस्थळाला भेट द्यावी.