Howrah Express Accident : मुंबईकडे येणाऱ्या एक्स्प्रेसचा अपघात, तब्बल 18 डब्बे...
Howrah express news : हावडा येथून मुंबईकडे निघालेल्या हावडा-छत्रपती शिवाजी महाराज टर्मिनस एक्स्प्रेस अपघातग्रस्त झाली. यात 6 प्रवासी गंभीर जखमी झाले आहेत.
ADVERTISEMENT
बातम्या हायलाइट
हावडा-सीएसएमटी एक्स्प्रेसचा अपघात
मुंबईकडे येत असलेली हावडा एक्स्प्रेस झारखंडमध्ये अपघातग्रस्त
Howara-CSMT Express News : प्रवासी गाढ झोपेत असताना हावडा-मुंबई एक्स्प्रेसचा भीषण अपघात झाला. हावडा एक्स्प्रेसचे तब्बल 18 डब्बे रुळावरून घसरले. झारखंडमध्ये पहाटे 3 वाजून 45 मिनिटांनी हा अपघात झाला. (Howara-CSMT Express derailed near Chakradharpur)
हावडा मुंबई मेल एक्सप्रेसला झारखंडच्या चक्रधरपूर रेल्वे विभागातील बारांबो रेल्वे स्थानकाजवळ अपघात झाला आहे. रेल्वेचे 18 डबे रुळावरून घसरल्याची माहिती समोर आली आहे.
सध्या या अपघातात 6 जण जखमी झाल्याची माहिती समोर येत आहे. रेल्वे कर्मचाऱ्यांसह एआरएम, एडीआरएम आणि सीकेपीचे पथक घटनास्थळी पोहोचले आहेत.
हावडा मुंबई एक्स्प्रेस अपघातग्रस्त कशी झाली?
रेल्वेच्या एका अधिकाऱ्याने सांगितले की, 12810 हावडा-सीएसएमटी एक्स्प्रेसचे 18 डबे चक्रधरपूरजवळ पहाटे 3:45 वाजता चक्रधरपूर विभागातील राजखरस्वान वेस्ट आउट आणि बारांबो दरम्यान रुळावरून घसरले आहेत.
हे वाचलं का?
