जळगाव : प्रेमी युगुल लॉजवर गेलं, अन् एकाची बॉडी सापडली; असं घडलं तरी काय?

Jalgaon Crime News : पाचोरा शहरातील तरुण व्यावसायिक रवींद्र संजय मोरे यांच्या संशयास्पद मृत्यू प्रकरणात धक्कादायक ट्वीस्ट समोर आलाय. सुरुवातीला लॉजमध्ये गळफास घेतलेल्या अवस्थेत रवींद्रचा मृतदेह आढळून आल्याने संपूर्ण परिसरात खळबळ उडाली होती, परंतु आता तपासात समोर आलेल्या माहितीमुळे हे प्रकरण अधिकच गुंतागुंतीचे झाले आहे. पाचोरा शहरातील गोराडखेडा रोडवरील एका लॉजमध्ये रवींद्र मोरे आणि त्याच्या अल्पवयीन प्रेयसीने आत्महत्येचा प्रयत्न केल्याची माहिती समोर आली आहे. या घटनेत 25 वर्षीय रवींद्र मोरे याचा दुर्दैवी मृत्यू झाला, तर त्याची अल्पवयीन प्रेयसी दोरीचा फास तुटल्यामुळे सुदैवाने बचावली आहे. ही घटना उघडकीस आल्यानंतर परिसरात प्रचंड खळबळ उडाली असून या प्रकरणी पोलीस अधिक तपास करत आहेत.