काळीज पिळवटणारा व्हिडीओ, पत्नीच्या डिलिव्हरीसाठी आलेल्या जवानाचा मृत्यू, आईसह 8 तासांच्या लेकीने घेतले अंत्यदर्शन; महाराष्ट्र हळहळला

प्रमोद जाधव यांच्या जाण्याने संपूर्ण सातारा जिल्ह्यात हळहळ 

भारतीय सैन्य दलात कार्यरत असलेले जवान प्रमोद जाधव यांचा सातारा जिल्ह्यातील दरे येथे झालेल्या अपघातात दुर्दैवी मृत्यू झाला. प्रमोद हे आपल्या पत्नीच्या डिलिव्हरीसाठी काही दिवसांची रजा घेऊन गावी आले होते. कुटुंबात आनंदाचे दिवस येणार, लेकराचा जन्म होणार या अपेक्षेत असतानाच काळाने घाला घातला. अपघातात प्रमोद यांचा मृत्यू झाल्याने संपूर्ण कुटुंबावर दु:खाचा डोंगर कोसळला.

हेही वाचा : मुंबईची खबर: 3 महिन्यांनंतर सुद्धा अंडरग्राउंड मेट्रोमध्ये नेटवर्क नाही... खरं कारण आलं समोर! 'या' कंपनीमुळे...

अधिकची माहिती अशी की, वीर जवानाचा अपघातात मृत्यू झाल्यानंतर काही तासांतच प्रमोद यांच्या पत्नीने मुलीला जन्म दिला. एकीकडे बाळाच्या आगमनाचा आनंद, तर दुसरीकडे पतीच्या मृत्यूचे दुःख या दोन टोकाच्या भावना एकाच वेळी सहन करणे कुणालाही अशक्य वाटावे असे होते. मात्र नियतीचा खेळ इथेच थांबला नाही. प्रमोद जाधव यांच्यावर त्यांच्या मूळ गावी दरे तर्फ परळी येथे शासकीय इतमामात अंत्यसंस्कार करण्यात आले. अंत्यदर्शनासाठी रुग्णालयातून थेट स्ट्रेचरवरून गर्भवती पत्नी आणि अवघ्या आठ तासांची चिमुकली लेक आणण्यात आली. पित्याच्या पार्थिवावर फुलं अर्पण करताना आईच्या डोळ्यांतून वाहणारे अश्रू आणि त्या निरागस बाळाची शांत झोप हा प्रसंग अंगावर काटा आणणारा होता. “आईसह 8 तासांच्या लेकीने स्ट्रेचरवरून घेतले अंत्यदर्शन घेतानाचं दृश्य पाहून उपस्थित प्रत्येकाचं काळीज पिळवटून गेलं.