भिडे वाड्याची संकल्पना, फुले दाम्पत्याचा संघर्ष; म्हारळच्या सरपंचांचा बाप्पासाठी खास देखावा

गणेशोत्सवाच्या सजावटीतून स्त्री शिक्षणाचा जागर

सरपंच निलिमा नंदू म्हात्रे यांच्या कुटुंबीयांनी यंदाच्या गणेशोत्सवात एक विशेष संकल्पना साकारली आहे. गणपती बाप्पाच्या सजावटीतून थोर समाजसुधारक महात्मा ज्योतिराव फुले आणि क्रांतिज्योती सावित्रीबाई फुले यांच्या स्त्री शिक्षणासाठीच्या कार्याला अभिवादन करण्यात आले आहे.

या देखाव्यात भिडे वाड्याची संकल्पना मांडण्यात आली असून, मुलींच्या शिक्षणासाठी फुले दाम्पत्याने केलेल्या संघर्षाची आठवण करून देण्यात आली आहे. हा देखावा केवळ ऐतिहासिक घटनांची मांडणी नसून, आजच्या पिढीला शिक्षणाचे महत्त्व पटवून देणारा संदेशही देतो.

बाबासाहेब आंबेडकरांच्या विचारांनाही अभिवादन

या प्रसंगी भारतरत्न डॉ. बाबासाहेब आंबेडकर यांना विनम्र अभिवादन करण्यात आले. भारतीय राज्यघटनेच्या मसुदा समितीचे अध्यक्ष म्हणून बाबासाहेबांनी दिलेल्या योगदानासह समता, स्वातंत्र्य, बंधुता आणि सामाजिक न्यायाच्या मूल्यांचे महत्त्व अधोरेखित करण्यात आले.