पती ब्युटी पार्लरवालीच्या प्रेमात, पत्नीने प्रेयसीचे तुकडे करुन सुटकेसमध्ये भरले

Salem suitcase murder case : तमिळनाडूतील सेलम शहरात 2021 मध्ये घडलेल्या बहुचर्चित सूटकेस हत्याकांडाचा तब्बल पाच वर्षांनी उलगडा झाला आहे. या प्रकरणातील मुख्य आरोपी महिलेला सलेम शहर पोलिसांनी महाराष्ट्रातील पुणे येथून अटक केली आहे. निशी असे आरोपी महिलेचे नाव आहे. पोलिसांच्या माहितीनुसार, मृत महिला आणि आरोपी महिला या दोघीही बांगलादेशातील रहिवासी आहेत. त्या बेकायदेशीरपणे भारतात दाखल झाल्या होत्या. त्यानंतर ब्युटी पार्लर आणि मसाज पार्लरच्या नावाखाली त्या काम करत होत्या. 2021 मध्ये सेलम शहरात एका ब्युटी पार्लरच्या मालक महिलेची हत्या झाली होती. हत्येनंतर तिच्या मृतदेहाचे तुकडे करून ते एका सूटकेसमध्ये भरून बाहेर फेकण्यात आले होते. तपासादरम्यान मृत महिलेची ओळख बांगलादेशातील तेजमंडल अशी पटली.