Baba Siddique Death News Live Updates : मला एक खून माफ करावा– राज ठाकरे

Maharashtra Live News : महाराष्ट्रातील राजकीय घडामोडी, विधानसभेसंदर्भातील सर्व अपडेट्स तसंच हवामानाचा अंदाज 'मुंबई Tak'च्या या लाइव्ह ब्लॉगमध्ये जाणून घ्या सर्व फक्त एका क्लिकवर...

मुंबई तक

13 Oct 2024 (अपडेटेड: 13 Oct 2024, 12:49 PM)

• 12:46 PM • 13 Oct 2024

  Maharashtra News : मला एक खून माफ करावा – राज ठाकरे

   

  भारताच्या राष्ट्रपतींकडे माझी एक विनंती आहे मला खून माफ करा.ज्याने मोबाईलमध्ये कॅमेरा आणला त्यांचा मला खून करायचे आहे असे मिश्कील वक्तव्य राज ठाकरे यांनी केले आहे.
• 10:51 AM • 13 Oct 2024

  Maharashtra News : बाबा सिद्दीकींच्या घराबाहेर कडेकोट पोलीस बंदोबस्त

  बाबा सिद्दीकीच्या घराबाहेर कडेकोट पोलीस बंदोबस्त ठेवण्यात आला आहे. त्यांच्या घराबाहेरचा रस्ता बंद करण्यात आला आहे. मुंबई पोलिस आणि आर.सी.पी दलही तैनात करण्यात आले आहे. बाबा सिद्दीकी यांच्या घराबाहेर पोलिसांनी बॅरिकेड लावले असून कोणालाही आत प्रवेश दिला जात नाही. बाबा सिद्दीकी हे वरिष्ठ नेते होते, माजी मंत्री होते. त्यांचे समर्थक मोठ्या संख्येने येथे येऊ शकतात, त्यामुळे सुरक्षेच्या दृष्टिकोनातून पोलिस बंदोबस्त वाढवण्यात आला आहे.

   
• 10:50 AM • 13 Oct 2024

  Maharashtra News : अजित पवार कूपर रूग्णालयात जाणार?

  बाबा सिद्दिकी यांच्यावर गोळीबार झाला. यात बाबा सिद्दिकी यांची हत्या झाली. कूपर रूग्णालयात बाबा सिद्दिकी यांचं पोस्ट मार्टम केलं जात आहे. या ठिकाणी अजित पवार गटाचे नेते उपस्थित आहेत. स्वत: अजित पवार देखील कूपर रूग्णालयात जाणार आहेत.

   
• 10:48 AM • 13 Oct 2024

  Maharashtra News : महिला, व्यापारी राजकीय नेते सुरक्षित नाहीत – संजय राऊत

  महिला, व्यापारी राजकीय नेते सुरक्षित नाहीत… राज्याचे गृहमंत्री काय करत आहेत? असा प्रश्न संजय राऊत यांनी उपस्थित केला. राज्याच्या गृहमंत्र्याची काही जबाबदारी आहे की नाही? हत्यांचं सत्र राजकीय नेत्यांपर्यंत पोहोचलं आहे… असं वक्तव्य देखील संजय राऊत यांनी केलं आहे.

   

ADVERTISEMENT

ADVERTISEMENT
• 09:05 AM • 13 Oct 2024

  Baba Siddique Shot Dead Live Update : बाबा सिद्दिकी वादात का होते?

  • पिरॅमिड डेव्हलपर्सच्या वांद्रे रेक्लेमेशनजवळील "जमात-ए-जमहुरिया" नावाच्या झोपडपट्टी पुनर्विकास प्रकल्पात अनियमितता झाल्यामुळे बाबा सिद्दीकी यांच्यावर मनी लाँडरिंग प्रतिबंधक कायद्यांतर्गत आरोप ठेवण्यात आले होते. वरिष्ठ सरकारी अधिकाऱ्यांनी दिलेल्या माहितीनुसार, विकासकांनी हा भूखंड सत्रा ग्रुपला 90 कोटी रुपयांना विकला होता. महाराष्ट्र गृहनिर्माण आणि क्षेत्र विकास प्राधिकरण (म्हाडा) चे अध्यक्ष असताना त्यांनी फ्लोअर स्पेस इंडेक्स (एफएसआय) वाढवण्याचा निर्णय घेतल्याने यात सिद्दीकी यांचा हात असल्याचे सांगण्यात येत आहे. याला सत्तेचा दुरुपयोग म्हटले जायचे.

  •  

     

   
• 08:59 AM • 13 Oct 2024

  Baba Siddique Shot Dead Live Update : झिशान सिद्दीकींच्या घराबाहेर कडकोट बंदोबस्त

  झिशान सिद्दीकीच्या घराबाहेर कडेकोट पोलीस बंदोबस्त ठेवण्यात आला आहे. बाबा सिद्दीकी यांच्या हत्येनंतर त्यांच्या घराबाहेर कडेकोट पोलीस बंदोबस्त ठेवण्यात आला आहे. मुंबई पोलिसांचे आर.सी.पी दलही तैनात करण्यात आले आहे. बाबा सिद्दीकी यांच्या घराबाहेर पोलिसांनी बॅरिकेट्स लावले आहेत. सध्या कोणालाही आत प्रवेश दिला जात नाही. बाबा सिद्दीकी हे ज्येष्ठ नेते होते, माजी मंत्री होते, त्यांचे समर्थक मोठ्या संख्येने येथे येऊ शकतात. त्यामुळे सुरक्षेच्या दृष्टिकोनातून पोलिस बंदोबस्त वाढवण्यात आला आहे.

   

ADVERTISEMENT

ADVERTISEMENT
• 08:58 AM • 13 Oct 2024

  Baba Siddique Shot Dead Live Update : बाबा सिद्दींच्या हत्याचा तपास दया नायक यांच्याकडून सुरु

  Baba Siddique Shot Dead Live Update : बाबा सिद्दीकी हत्येचा तपास मुंबई गुन्हे शाखेचे पथक करत आहे. दया नायक हे गुन्हे शाखा युनिट 9 चे प्रभारी आहेत. सध्या पोलिसांनी काल रात्री दोन आरोपींना अटक केली आहे, एक आरोपी अद्याप फरार असून, पोलीस आणि गुन्हे शाखेचे पथक त्याचा शोध घेत आहे.

   
• 08:58 AM • 13 Oct 2024

  Baba Siddique Shot Dead Live Update : बाबा सिद्दीकींचा रुग्णालयात दाखल करण्यापूर्वी मृत्यू

  बाबा सिद्दीकी यांच्यावर शनिवारी (१२ ऑक्टोबर) रात्री 9.15 च्या सुमारास गोळीबार झाला. बाबा सिद्दीकी हे त्यांचे पुत्र आमदार झिशान सिद्दीकी यांच्या वांद्र्यातील कार्यालयाजवळ असताना त्यांच्यावर सहा गोळ्या झाडण्यात आल्या. त्यातील एक गोळी बाबा सिद्दिकी यांच्या छातीत लागली. तर एक गोळी ही त्यांच्या सहकाऱ्याच्या पायाला लागली. या दोघांना उपचारासाठी रुग्णालयात दाखल करण्यात आलं. मात्र रुग्णालयात दाखल करण्यापूर्वी बाबा सिद्दीकी यांचा मृत्यू झाला होता.