Maharashtra Politics : भाकरी फिरवली! भगीरथ भालके सोडणार शरद पवारांची साथ?
भगीरथ भालके पंढरपूर विधानसभा मतदारसंघातून निवडणूक लढवण्यास इच्छुक आहे, पण राष्ट्रवादी काँग्रेसकडून त्यांना तिकीट मिळण्याची शक्यता कमी आहे. त्यामुळे ते राष्ट्रवादी सोडू शकतात, अशी शक्यता व्यक्त केली जात आहे.
ADVERTISEMENT
Maharashtra latest political news Marathi : राष्ट्रवादी काँग्रेसचे अध्यक्षपद सोडण्याचा निर्णय मागे घेतल्यापासून शरद पवार (Sharad Pawar News) पक्ष विस्ताराच्या तयारीला लागले आहेत. वेगवेगळ्या भागाचे दौरे शरद पवार करत असून, राजीनामा मागे घेतल्यानंतरच्या पहिल्या सोलापूर दौऱ्यात शरद पवारांनी पंढरपूर मतदारसंघात भाकरी फिरवण्याचा निर्णय घेतला होता. पण, त्यामुळे भगीरथ भालके अस्वस्थ झाले. त्यातच आता भालके राष्ट्रवादी काँग्रेस सोडणार असल्याची चर्चा जारोत सुरू झाली आहे. (Maharashtra latest political news today)
Latest news on Maharashtra politics : राष्ट्रवादी काँग्रेसमधील राजीनामा नाट्यावर पडदा पडल्यानंतर मे महिन्यात शरद पवार सोलापूर दौऱ्यावर होते. यावेळी विठ्ठल सहकारी साखर कारखान्याचे अध्यक्ष अभिजीत पाटील यांनी पंढरपुरातील कार्यक्रमात शरद पवारांच्या उपस्थितीत राष्ट्रवादी काँग्रेसमध्ये प्रवेश केला.
हेही वाचा >> Abhijeet Patil : शरद पवारांनी पंढरपुरात ‘भाकरी’ फिरवली, ‘मविआ’चा उमेदवार ठरला!
याच कार्यक्रमात शरद पवारांनी अभिजीत पाटील हे महाविकास आघाडीचे 2024 च्या विधानसभा निवडणुकीत उमेदवार असतील अशी घोषणाही करून टाकली. अभिजीत पाटलांच्या नावाची घोषणा केल्यानं भगीरथ भालके अस्वस्थ झाले. कारण 2024 ची विधानसभा निवडणूक लढवण्यास इच्छुक असलेल्या भालकेंचा पत्ताच कट झाल्याची चर्चा मतदारसंघात सुरू झाली.
भगीरथ भालके के. चंद्रशेखर राव यांच्या बीआरएसच्या वाटेवर?
पंढरपूर विधानसभा मतदारसंघात पक्षाचं पारडं जड करण्यासाठी शरद पवारांनी अभिजीत पाटील यांना पक्षात घेतलं. पण, आता भारत भालके यांचे सुपुत्र भगीरथ भालकेचं राष्ट्रवादी काँग्रेसला रामराम करण्याची चर्चा सुरू झाली आहे. भालकेंनी राष्ट्रवादी काँग्रेस सोडली तर तो पक्षासाठी मोठा धक्का असेल असंही स्थानिक पातळीवर बोललं जात आहे.
हे वाचलं का?
