10th Result 2025: दहावीचा निकाल मोबाइल आणि mahresult.nic.in वेबसाइटवर कसा पाहाल?
महाराष्ट्र बोर्डाच्या अधिकृत वेबसाइटवर दहावीचा निकाल जाहीर केला जाणार आहे. महाराष्ट्रातील लाखो विद्यार्थी आणि पालकांचे डोळे सध्या निकालावर लागून आहेत.
ADVERTISEMENT
बातम्या हायलाइट
दहावीच्या निकालाची तारीख जाहीर
निकाल घरबसल्या मोबाईलवर कसा पाहाल
निकाल पाहण्याची सोपी प्रोसेस समजून घ्या...
SSC Result 2025 Online and Offline: महाराष्ट्र राज्य माध्यमिक व उच्च माध्यमिक शिक्षण मंडळ (Maharashtra Board SSC Result 2025) MSBSHSE दहावी 2025 परीक्षेचा निकाल 13 मे रोजी दुपारी एक वाजेच्या सुमारास जाहीर करण्यात येणार आहे. विद्यार्थ्यांना आपला हा निकाल ऑनलाइनच पाहता येणार आहे. महाराष्ट्र बोर्डाच्या अधिकृत वेबसाइटवर दहावीचा निकाल जाहीर केला जाणार आहे.
हे ही वाचा >> Maharashtra SSC Board Result 2025: मोठी बातमी, महाराष्ट्र बोर्डाच्या दहावीच्या निकालाची तारीख जाहीर, 'या' दिवशी पाहता येईल निकाल
महाराष्ट्रातील लाखो विद्यार्थ्यांच्या पालकांचे डोळे सध्या निकालावर लागून आहेत. विद्यार्थ्यांनी सुद्धा चांगले मार्क मिळावेत या आशेनं देव पाण्यात ठेवले आहेत. 5 मे रोजी 12 वीचा निकाल जाहीर झाला, त्यामध्ये मुलींनी बाजी मारली. त्यामुळे आता दहावीच्या निकालात कोण बाजी मारणार ते पाहणं महत्वाचं असेल. दरम्यान, दहावीचा हा निकाल आपण ऑनलाइन आणि विशेषत: मोबाइलवर कसा पाहता येईल ते समजून घेऊ.
महाराष्ट्र दहावी निकाल 2025 – mahresult.nic.in वर आपला निकाल कसा पाहाल?
- महाराष्ट्र राज्य माध्यमिक व उच्च माध्यमिक शिक्षण मंडळाच्या वतीने SSCचा निकाल result.mh-ssc.ac.in आणि https://mahahsscboard.in/ वर जाहीर करण्यात येईल.
- सगळ्यात आधी MSBSHSEच्या Mahresult.nic.in या अधिकृत वेबसाइटवर जाऊन
- होम पेजवर असलेल्या महाराष्ट्र दहावीचा निकाल 2025 या लिंकवर क्लिक करा.
- लिंकवर क्लिक केल्यानंतर आपल्यासमोर रिझल्ट पेज सुरु होईल.
- यावेळी विद्यार्थ्यांना त्यांचा जो सीट नंबर किंवा नोंदणी क्रमांक देण्यात आलेला असेल तो टाकावा लागेल.
- त्यानंतर खालच्या टॅबमध्ये विद्यार्थ्यांना आपल्या आईच्या नावाचे पहिले तीन अक्षर टाकावे लागणार आहे आणि त्यानंतरच त्यांना सब्मिट हे बटण दाबावं लागणार आहे.
- समजा, तुमचा सीट नंबर M587469असेल आणि तुमच्या आईचे नाव अमिता असं असेल तर तुम्ही M587469 हा तुमचा सीट नंबर टाकून पुढच्या बॉक्समध्ये आईच्या नावाची पहिली तीन अक्षरे म्हणजेच AMI असं टाकावं लागेल.
- त्यानंतर सबमिट या बटणावर क्लिक करा आणि आपला निकाल काही क्षणात आपल्याला दिसेल.
महाराष्ट्र दहावीचा निकाल 2025: मोबाइलवरुन कसा पाहता येणार निकाल?
- दहावीच्या विद्यार्थ्यांना आणि त्यांच्या पालकांना आपल्या मोबाइलवरुन देखील दहावीचा निकाल पाहता येणार आहे. अनेकदा निकालाच्या वेळेस वेबसाइट या क्रॅश होतात किंवा इंटरनेट उपलब्ध नसेल तर SSC निकाल हा त्यांना SMS द्वारे पाहाता येणार आहे.
- SMSद्वारे एसएससीचा निकाल पाहण्यासाठी विद्यार्थ्यांना “MHSSC” असं टाकून 57766 वर SMS पाठवायचा आहे. त्यानंतर निकाल त्यांच्या फोनवर SMSच्या स्वरुपात येईल.
हे वाचलं का?
