Manoj Jarange : “फडणवीसांच्या ताटात जेवणारी माणसंच…”, जरांगेंना संताप अनावर

मनोज जरांगेंनी पुन्हा एकदा देवेंद्र फडणवीसांना लक्ष्य केले. “मराठा समाज शांत आहे. देवेंद्र फडणवीस यांना विनंती आहे की, आम्हाला शांत राहू द्या. तुमच्या डोक्यातील विषारी विचार मराठी नेत्यांच्या डोक्यात टाकू नका. त्यांच्या माध्यमातून लोकांमध्ये कलह निर्माण करू नका. अन्यथा तुमचा आमच्याशी सामना आहे”, असा थेट इशारा जरांगे पाटलांनी फडणवीसांना दिला.

Manoj Jarange : “फडणवीसांनी पुन्हा खोड्या सुरू केल्या…”

फडणवीसांचं नाव घेत मनोज जरांगे म्हणाले, “देवेंद्र फडणवीसांनी आधी मोठेपणा दाखवला होता. आमचा त्यांच्यावर विश्वास बसायला लागला होता, पण आता त्यांनी पुन्हा खोड्या सुरू केल्याचं दिसत आहे. कारण मराठा आरक्षणाविरोधात जे लोक बोलत आहेत, ते भाजपमधीलच काही मराठा नेते आहेत. जे देवेंद्र फडणवीस यांच्या जवळचे आहेत. त्यामुळे फडणवीसांनी त्या नेत्यांना समज द्यावी, नाहीतर उघडपणे भूमिका जाहीर करावी. मग आम्हीही बघून घेऊ. या नेत्यांना आवरलं नाही, तर आम्ही तुमचं सगळं बाहेर काढू”, असा इशारा मनोज जरांगेंनी देवेंद्र फडणवीसांनी दिला.

हेही वाचा >> बसपा अध्यक्षा मायावतींचा वारसदार ठरला! कोण आहे आकाश आनंद?

छगन भुजबळांना इशारा

जरांगे यांनी छगन भुजबळ यांना नावाचा उल्लेख न करता इशारा दिला. ते म्हणाले, “आपण रागीट लोक आहोत. राग आणू नका. त्यांनी कितीही अपमान केला तरी पचवा. शांत रहा. संयम आणि शांतता दोन्ही सोबत राहू द्या. एकदा आरक्षण मिळालं, मग आपण मोकळे. त्याला (छगन भुजबळ) कुठं जायचं नाही. आपल्याला कुठं जायचं नाही. तो आणि आपण एकाच गल्लीत आहोत. तू (छगन भुजबळ) नुसता बाहेर निघ म्हणा… आरक्षण मिळू द्या फक्त”, असा गर्भित इशारा मनोज जरांगेंनी भुजबळांना दिला.