Monsoon Update: मान्सून रेकॉर्ड ब्रेक करणार? पावसासाठी 'ही' नवी तारीख पण...
Monsoon Update 2026: राज्याच्या अनेक भागांत मान्सून खोळंबल्यामुळे उष्णतेचा पारा वाढला असताना, आता भारतीय हवामान खात्याने (IMD) मान्सूनच्या प्रवासाबाबत अत्यंत महत्त्वाची नवी तारीख जाहीर केली आहे! 6 जून रोजी कोकणात दाखल झालेला पाऊस तिथेच रखडला आहे, पण आता हा ब्रेक संपणार आहे.
ADVERTISEMENT
Maharashtra Weather Update: मुंबई: मुंबईसह संपूर्ण महाराष्ट्रात मान्सूनच्या आगमनाची उत्सुकता शिगेला पोहोचली असताना यंदा मान्सून स्वतःचाच उशिराचा रेकॉर्ड मोडणार का?, असा प्रश्न उपस्थित होत आहे. कारण आत्तापर्यंत मुंबईत मान्सून सर्वाधिक उशिरा जूनच्या उत्तरार्धात दाखल झाल्याची नोंद आहे. मात्र 18 जून उलटूनही मान्सून अद्याप कोकणातच स्थिरावलेला असून पुढे सरकण्यास अनुकूल परिस्थिती निर्माण झालेली नाही.
हवामान तज्ज्ञांच्या अंदाजानुसार 24 जूननंतर परिस्थितीत काहीसा बदल होण्याची शक्यता आहे. कोकण किनारपट्टीवर पावसाची तीव्रता वाढू शकते आणि त्यानंतर मान्सूनची पुढील वाटचाल सुरू होऊ शकते. मात्र मुंबईत मान्सून नेमका कधी दाखल होईल, याबाबत अद्याप स्पष्ट संकेत मिळालेले नाहीत.
सॅटेलाईट चित्रांमधून काय दिसतंय?
गेल्या काही दिवसांपासून सोशल मीडियावर सॅटेलाईट चित्रे मोठ्या प्रमाणावर व्हायरल होत आहेत. या चित्रांमध्ये महाराष्ट्राच्या किनारपट्टीवर किंवा मुंबई परिसरात मोठे ढगांचे पट्टे किंवा सक्रिय हवामान प्रणाली दिसत नसल्याचे दिसून येत आहे. त्यामुळे अनेकांमध्ये पाऊस लांबणीवर पडल्याची चर्चा सुरू झाली आहे.
हे ही वाचा>> मुंबईची खबर : मुंबईवर पाणीसंकट! बीएमसीचा मोठा निर्णय
मात्र हवामान तज्ज्ञांच्या मते, एखादे कमी दाबाचे क्षेत्र किंवा चक्रीवादळासारखी प्रणाली दिसत नसली तरी मान्सूनचे वारे पूर्णपणे थांबलेले नाहीत. त्यांची तीव्रता कमी झाल्याने पावसाचा जोर घटला असून मान्सूनची प्रगती मंदावली आहे.
