मुंबईची खबर : मुंबईकरांनो, पुढील सात दिवस पाणी उकळून प्या; अन्यथा...
मुंबईकरांसाठी एक अत्यंत महत्त्वाची बातमी समोर आली आहे. BMC ने पुढील सात दिवसांसाठी पाणी उकळून आणि गाळून पिण्याचा सल्ला दिला आहे.
ADVERTISEMENT
बातम्या हायलाइट
मुंबईकरांसाठी BMC ची सूचना
पुढील सात दिवस पाणी उकळून प्या
नेमकं कारण काय?
BMC Water Advisory : बृहन्मुंबई महानगरपालिकेने (BMC) मुंबई शहर, पूर्व उपनगरे तसेच ठाणे आणि भिवंडीच्या काही भागांतील रहिवाशांना पुढील सात दिवस पिण्याचे पाणी उकळून आणि गाळून वापरण्याचे आवाहन केले आहे. पिसे-पंजरापूर संकुलातील येवला (Yewai) बॅलन्सिंग रिझर्व्हॉयरच्या कंपार्टमेन्ट क्रमांक 2 च्या दुरुस्तीचे काम पूर्ण झाले असून, बुधवार, 28 ऑक्टोबर रोजी ते पुन्हा सेवेत दाखल केले जाणार आहे. या प्रक्रियेमुळे पाणीपुरवठ्याच्या गुणवत्तेवर संभाव्य परिणाम होण्याची शक्यता असल्याने सुरक्षेचा उपाय म्हणून पालिका प्रशासनाकडून हा इशारा देण्यात आला आहे.
नेमकं कारण काय?
या खबरदारीच्या इशाराानुसार मुंबई शहरातील 'ए' वॉर्ड (नव्हल डॉकयार्ड आणि बीपीटी भाग), 'बी' वॉर्ड, 'ई' वॉर्ड, 'एफ-साऊथ' वॉर्ड आणि 'एफ-नॉर्थ' वॉर्ड या संपूर्ण परिसरांमध्ये पाणी उकळून वापरणे बंधनकारक असणार आहे. जलवाहिनीच्या दुरुस्तीनंतर पाणी पुरवठ्यात सुरुवातीला दूषित किंवा गढूळ पाणी येण्याचा धोका लक्षात घेऊन नागरिकांनी आरोग्यविषयक काळजी घ्यावी, असे प्रशासनाने स्पष्ट केले आहे.
हे ही वाचा : विधान परिषद निवडणूक निकाल 2026 LIVE : नागपूर पदवीधर मतदारसंघ मतमोजणी महत्वाची अपडेट
ठाणे अन् भिवंडीकरांनाही सूचना
पूर्व उपनगरांमध्येही अनेक भागांना हा नियम लागू करण्यात आला आहे. यामध्ये 'टी' वॉर्ड (मुलुंड पूर्व आणि पश्चिम), 'एस' वॉर्ड (भांडुप, नाहूर, कांजूरमार्ग आणि विक्रोळी पूर्व), 'एन' वॉर्ड (विक्रोळी, घाटकोपर पूर्व आणि घाटकोपर), 'एल' वॉर्ड (कुर्ला पूर्व) तसेच 'एम-ईस्ट' आणि 'एम-वेस्ट' या संपूर्ण वॉर्डांचा समावेश आहे. याशिवाय, पालिका प्रशासनाकडून पाणीपुरवठा केला जाणाऱ्या ठाणे आणि भिवंडी येथील संबंधित क्षेत्रांतील नागरिकांनाही हीच खबरदारी घेण्याच्या सूचना देण्यात आल्या आहेत.
हे ही वाचा : सुवर्णपदक विजेता नीरज यादवने संपवलं आयुष्य; अ‍ॅथलेटिक्सने का उचललं एवढं टोकाचं पाऊल?
सात दिवस काळजी घ्या
रिझर्व्हॉयरचे कंपार्टमेन्ट कार्यान्वित करताना पाण्याच्या गुणवत्तेत अचानक बदल घडून येण्याची दाट शक्यता असते. म्हणूनच महापालिका प्रशासनाने सर्व बाधित भागांतील नागरिकांना सहकार्य करण्याचे आवाहन केले असून, आजारपण टाळण्यासाठी पुढील पूर्ण सात दिवस पिण्यासाठी केवळ उकळलेले आणि चांगले गाळलेले पाणीच वापरावे, अशी आग्रही विनंती केली आहे.