तुम्हीसुद्धा Commerce क्षेत्रातून आहात? ‘या’ पदांसाठी बंपर भरती, लवकरच करा अर्ज...
मिनरस एक्सप्लोरेशन अॅण्ड कंसल्टंसी लिमिटेड (MECL) कडून तब्बल हून अधिक पदांसाठी भरती जाहीर करण्यात आली आहे. यासाठी पात्र उमेदवार MECL च्या www.mecl.co.in या अधिकृत वेबसाइटवर जाऊन अर्ज करू शकतात.
ADVERTISEMENT
बातम्या हायलाइट
MECL कडून 100 हून अधिक पदांसाठी भरती
भरतीसाठी कुठे आणि कसा कराल अर्ज?
MECL भरतीसाठी काय आहे पात्रता?
Govt Job: टेक्निकल किंवा कॉमर्स म्हणजेच वाणिज्य शाखेतून शिक्षण घेतलेले बरेच तरुण सरकारी नोकरीच्या शोधात असल्याचं पाहायला मिळतं. अशा तरुणांसाठी नव्या भरतीची जाहीर जाहीर करण्यात आली आहे. जर तुमच्याकडे टेक्निकल किंवा कॉमर्स शाखेत डिग्रीचं प्रमाणपत्र असेल तर तुम्ही या भरतीसाठी पात्र ठरू शकता. खाण मंत्रालय, सरकारच्या अंतर्गत कार्यरल असलेल्या मिनरस एक्सप्लोरेशन अॅण्ड कंसल्टंसी लिमिटेड (MECL) कडून तब्बल हून अधिक पदांसाठी भरती जाहीर करण्यात आली आहे. यासाठी पात्र उमेदवार MECL च्या www.mecl.co.in या अधिकृत वेबसाइटवर जाऊन अर्ज करू शकतात. 7 जुलै 2025 ही या भरतीसाठी अर्ज करण्याची शेवटची तारीख आहे.
‘या’ पदांसाठी निघाली भरती
MECL च्या या भरतीअंतर्गत पदवीधर, टेक्निकल आणि प्रशासकीय सेवेशी संबंधित पदांवर नियुक्त्या केल्या जाणार आहेत. प्रत्येक पदानुसार वेगवेगळी पात्रता निश्चित करण्यात आली आहे. अर्ज करण्यापूर्वी अर्जदारांनी भरतीचं नोटिफिकेशन लक्षपूर्वक वाचण्याचा सल्ला उमेदवारांना देण्यात आला आहे.
शैक्षणिक पात्रता
पदवीधर (कोणत्याही विषयात)
संबंधित विषयात बीकॉम (B.Com), बीएससी (B.Sc)
आयटीआय (ITI) ट्रेडनुसार
सीए (CA), आयसीडब्ल्यूए (ICWA) सारख्या प्रोफेशनल कोर्सचं प्रमाणपत्र
वयोमर्यादा
अर्ज करणाऱ्या उमेदवाराचं कमाल वय 30 वर्षे असायला हवं. तसेच राखीव प्रवर्गातील (SC/ ST/ OBC/ PwD) उमेदवारांना सरकारी नियमांनुसार वयात सूट दिली जाईल.
वेतन
MECL द्वारे निवड झालेल्या उमेदवारांना 16 हजार 600 रुपये ते 49 हजार 300 रुपयांपर्यंत वेतन दिलं जाईल. यासोबत सरकारी नियमांनुसार, निवड झालेल्या उमेदवारांना अन्य भत्ते सुद्धा मिळतील.
अर्जाचे शुल्क
जनरल (Open), ओबीसी (OBC), ईडब्ल्यूएस (EWS) प्रवर्गातील उमेदवारांना अर्ज करण्यासाठी 500 रुपये शुल्क भरावे लागेल. तसेच, राखील प्रवर्गातील म्हणजेच एससी (SC), एसटी (ST), पीडब्ल्यूडी (PwD), माजी सर्व्हिसमॅन आणि विभागीय उमेदवारांना कोणतेही शुल्क आकारण्यात येणार नाही.
हे ही वाचा: पुणे- दौंड रेल्वे मार्गावर धावत्या ट्रेनमध्ये भीषण आग; प्रवाशांचा जीव मुठीत, नेमकं घडलं काय?
कशी होईल निवड?
लेखी परीक्षा: बहुपर्यायी प्रश्न विचारण्यात येतील
डॉक्यूमेंट्स व्हेरिफिकेशन: उमेदवारांच्या दस्तऐवजांची तपासणी केली जाईल.
कौशल्य क्षमता चाचणी: संबंधित पदाच्या पात्रतेनुसार स्किल टेस्ट घेतली जाईल.
हे ही वाचा: माय-लेकी दर्शनाला गेल्या, निसरड्या पायऱ्यांनी घात केला...विश्वगंगा नदीत दोघी कशा बुडाल्या?
कसा कराल अर्ज?
1. सर्वप्रथम MECL च्या www.mecl.co.in या अधिकृत वेबसाइटवर जा.
2. त्यानंतर होमपेजवरील ‘Career’ सेक्शनमध्ये जा.
3. रजिस्ट्रेशन करुन लॉगिन करा.
4. आता ऑनलाइन अर्ज भरून आवश्यक डॉक्यूमेंट्स अपलोड करा.
5. प्रवर्गानुसार अर्जाचे शुल्क भरा.
6. अर्ज सबमिट केल्यानंतर त्याची प्रिंटआउट काढून सुरक्षितरित्या ठेवा.
हे वाचलं का?
