Govt Job: 'या' सरकारी बँकेत निघाली बंपर भरती... आत्ताच करा अप्लाय
भारतीय लघु उद्योग विकास बँक (SIDBI) कडून या ग्रेड-A आणि ग्रेड-B पदांसाठी भरती जाहीर करण्यात आली आहे. यासाठी भरतीची प्रक्रिया सुरू झाली असून इच्छुक उमेदवार SIDBI च्या sidbi.in या अधिकृत वेबसाइटवर जाऊन अर्ज करू शकतात.
ADVERTISEMENT
बातम्या हायलाइट
सरकारी बँकेत निघाली बंपर भरती
SIDBI कडून या पदांसाठी भरती
कधीपर्यंत कराल अर्ज?
SIDBI Recruitment: सरकारी नोकरीच्या प्रयत्नात असणाऱ्या तरुणांसाठी सरकारी बँकेत नोकरीची सुवर्णसंधी उपलब्ध झाली आहे. भारतीय लघु उद्योग विकास बँक (SIDBI) कडून या ग्रेड-A आणि ग्रेड-B पदांसाठी भरती जाहीर करण्यात आली आहे. यासाठी भरतीची प्रक्रिया सुरू झाली असून इच्छुक उमेदवार SIDBI च्या sidbi.in या अधिकृत वेबसाइटवर जाऊन अर्ज करू शकतात. 14 ऑगस्ट 2025 ही अर्ज करण्याची शेवटची तारीख निश्चित करण्यात आली आहे. भरतीच्या माध्यमातून एकूण 76 पदे भरली जाणार असून यामध्ये ग्रेड-A (जनरल आणि स्पेशलिस्ट स्ट्रीम) तसेच ग्रेड-B अधिकारी यांचा समावेश करण्यात आला आहे.
वयोमर्यादा
ग्रेड-A पदासाठी अर्ज करणाऱ्या उमेदवारांचं किमान वय 27 वर्षे तर कमाल वय 30 वर्षे असणं अनिवार्य आहे. तसेच ग्रेड-B साठी किमान 25 वर्षे तर कमाल 33 अशी वयोमर्यादा निश्चित करण्यात आली आहे. सरकारी नियमांनुसार उच्च वयोमर्यादेत सूट देण्यात येणार आहे. एससी (SC)/ एसटी (ST) प्रवर्गातील उमेदवारांसाठी वयोमर्यादेत 5 वर्षे तर ओबीसी (OBC) प्रवर्गातील उमेदावारांसाठी 3 वर्षे सूट देण्यात येईल.
शैक्षणिक पात्रता
ग्रेड-A पदासाठी अर्ज करणाऱ्या उमेदवाराकडे कोणत्याही मान्यताप्राप्त विद्यापीठातून वाणिज्य, अर्थशास्त्र, गणित, अॅडमिनिस्ट्रेशन किंवा इंजीनियरिंग म्हणजेच अभियांत्रिकी क्षेत्रात कमीत कमी 60 टक्के गुणांनी उत्तीर्ण असल्याचं प्रमाणपत्र असणं आवश्यक आहे. कंपनी सेक्रेटरी किंवा चार्टर्ड अकाउंटंट असलेले उमेदवार देखील या भरतीसाठी अर्ज करण्यास पात्र आहेत. तसेच ग्रेड-B पदांसाठी अर्ज करणाऱ्या उमेदवारांनी कोणत्याही विषयात ग्रॅज्युएशन किंवा पोस्ट ग्रॅज्युएशन करणं महत्त्वाचं आहे.
हे ही वाचा: 14 वर्षीय अल्पवयीन मुलीवर सामूहिक अत्याचार, सहन न झाल्याने उचललं टोकाचं पाऊल...
कशी होईल निवड?
उमेदवारांची निवड तीन टप्प्यात केली जाईल. पहिल्या टप्प्यातील परीक्षेत इंग्रजी, बुद्धिमत्ता, क्वांटिटेव्ह अॅप्टिट्यूड, संगणकीय ज्ञान आणि सामान्य ज्ञान यांसारख्या विषयांमधून 200 गुणांचे 200 बहुपर्यायी प्रश्न विचारण्यात येतील. परीक्षेसाठी 20 मिनिटे वेळेची मर्यादा असेल. पहिल्या टप्प्यात यशस्वी झालेल्या उमेदवारांना फेज-2 परीक्षेसाठी बोलावण्यात येईल. त्यानंतर मुलाखतीच्या माध्यमातून उमेदवारांची अंतिम निवड केली जाईल.
हे ही वाचा: गोपीचंद पडळकरांच्या समोरच नितीन देशमुखांना मारहाण झाली, 'तो' Inside Video आला समोर
कसा कराल अर्ज?
1. उमेदवारांनी सर्वप्रथम SIDBI च्या sidbi.in या अधिकृत वेबसाइटवर जा.
2. त्यानंतर ‘Careers’ सेक्शनमध्ये जाऊन ‘Apply Online’ वर क्लिक करा.
3. रजिस्ट्रेशन करून भरतीसाठीचा अर्ज भरून घ्या.
4. आवश्यक दस्ताऐवज अपलोड करून अर्जाची शुल्क भरा.
5. अर्ज भरल्यानंतर फॉर्म सबमिट करा.
6. शेवटी अर्जाची प्रिंटआउट काढून सुरक्षितरित्या ठेवा.
हे वाचलं का?
