4 तरूणांकडून 14 वर्षांच्या मुलीवर पाशवी अत्याचार, हादरून गेलेल्या मुलीनं जीवनच संपवलं!

पोलिसांनी दिली माहिती  

पोलिसांनी दिलेल्या माहितीनुसार, 28 जून रोजी पीडितेवर सामूहिक अत्याचार करण्यात आला. या घटनेसंदर्भात पीडितेच्या नातेवाईकांनी 2 जुलै रोजी पोलीस स्टेशनमध्ये तक्रार दाखल केली होती. पोलिसांच्या या घटनेचा तपास केला असता त्यांनी प्रकरणातील मुख्य आरोपीला ताब्यात घेतलं असून त्याची रवानगी तुरुंगात करण्यात आली.

बाईक राईडच्या बाहण्याने अन्...  

पोलिसांच्या माहितीनुसार, 13 ते 17 वयोगटातील मुलांनी अल्पवयीन मुलीसोबत हे घृणास्पद कृत्य केलं. त्यांनी तिला आणि तिच्या तीन वर्षांच्या भावाला बाईक राईडच्या बहाण्याने बाहेर नेले. नंतर आरोपी तरुणांनी पीडितेला एका निर्जन ठिकाणी नेऊन तिच्यावर बलात्कार केला. घरी परतल्यानंतर मुलीने तिच्या आईला घटनेबद्दल सांगितले. 

हे ही वाचा: मीरा रोडमधील सेक्स रॅकेटचा पर्दाफाश... मुलींना देह व्यापाऱ्यात अडकवणाऱ्या महिलेला अटक

पोलिसांनी केली कारवाई 

अल्पवयीन मुलीवर सामूहिक बलात्कार झाल्याची माहिती मिळताच तातडीने घटनास्थळी पोहचून पंचायतनाम्याची सगळी कारवाई पूर्ण केली. मृतदेह पोस्टमॉर्टमसाठी पाठवण्यात आला. यातूनच मृत्यूचं नेमकं कारण काय असू शकेल? याचा सुगावा पोलिसांच्या हाती लागू शकेल. पोलिसांनी प्रकरणाचा तपास सुरू केला असून फरार आरोपींच्या शोधात पोलिसांचे छापे टाकले जात आहेत.

हे ही वाचा: हुक्काबारमध्ये तरुण-तरूणी न्यूड अवस्थेत, व्हिडिओ सोशल मीडियावर केले शेअर, नेमकं रात्री काय घडलं?

प्रकरणातील आरोपी अजूनही फरार असल्याकारणाने स्थानिक लोकांमध्ये पोलिसांच्या तपासाबाबत संताप व्यक्त केला जात आहे. या घटनेमुळे महिला आणि अल्पवयीन मुलींच्या सुरक्षिततेबाबत बरेच प्रश्न उपस्थित केले जात आहेत. दरम्यान, फरार आरोपींना लवकरच ताब्यात घेतलं जाणार असून त्यांच्यावर कठोरातली कठोर कारवाई केली जाणार असल्याचं पोलिसांनी आश्वासन दिलं.