विवाहित शिक्षिका 'यासाठी' 16 वर्षांच्या मुलासोबत ठेवायची शरीरसंबंध? 'तो' अहवाल आला समोर!
Mumbai Crime News: एका शिक्षिकेने तिच्या विद्यार्थ्यावर वारंवार लैंगिक अत्याचार केल्याचं मुंबईतील प्रकरण हे काही दिवसांपूर्वी उघडकीस आलं होतं. मात्र, प्रौढ वयाच्या महिला या अत्यंत कमी वयाच्या मुलांसोबत असं कृत्य का करतात याबाबत एक अहवाल हा आता समोर आला आहे.
ADVERTISEMENT
मुंबई: मुंबईतील एका प्रतिष्ठित शाळेत इंग्रजी शिकवणाऱ्या एका महिला शिक्षिकेने 16 वर्षांच्या विद्यार्थ्याचे सुमारे एक वर्ष लैंगिक शोषण केल्याचं काही दिवसांपूर्वी समोर आलं होतं. महिला शिक्षिका ही मुलाला मुंबईतील एकांत असलेल्या ठिकाणी तसेच आलिशान पंचतारांकित हॉटेल्समध्ये घेऊन जायची, जिथे तिने त्याला मद्यपान करून त्याच्याशी लैंगिक संबंध ठेवायची. आरोपी शिक्षिका ही 40 वर्षांची आहे. ती विवाहित आहे आणि तिला दोन मुले आहेत.
दरम्यान, तिने अल्पवयीन मुलासोबत असं का केलं हा प्रश्न सातत्याने चर्चेत येत आहे? काही दिवसांपूर्वीच न्यायालयात झालेल्या सुनावणीदरम्यान पोलिसांनी मानसिक चाचण्या करण्यासाठी कोठडी वाढवण्याची मागणी केली होती. यावेळी न्यायालयानेही शिक्षिकेची मानसिक चाचणी घेणे आवश्यक असल्याचे मान्य केले होते.
पालकांनीही मोठी चूक केली, मुलगा नैराश्यात
अल्पवयीन विद्यार्थ्याच्या लैंगिक शोषणाचा आणखी एक पैलू आहे. शिक्षिका बराच काळ मुलासोबत चुकीचे कृत्य करत होती. सततच्या अत्याचारानंतर मुलाचे वर्तन बदलले, जे पालकांच्या लक्षात आले. पण सुरुवातीला त्यांनी या गोष्टीकडे गांभीर्याने लक्ष दिले नव्हते. पण नंतर ते जेव्हा आपल्या मुलाशी बोलले तेव्हा शिक्षिकेचे दुष्कृत्य उघडकीस आले.
हे ही वाचा>> 'त्या' महिला नेमक्या कोण ज्या हॉटेलमध्ये नेऊन विद्यार्थ्यांसोबत करायच्या नको ते...
यानंतरही पालकांनी कोणतीही मोठी कारवाई न करण्याचा निर्णय घेतला. कारण तो बारावीच्या बोर्ड परीक्षेनंतर कॉलेज सोडणार होता. मुलाच्या पालकांची ही पहिली चूक होती. त्यांना वाटले की, बोर्डाच्या परीक्षेनंतर अल्पवयीन मुलाला त्या व्यभिचारी शिक्षिकेपासून मुक्तता मिळेल. यावेळी त्यांना मुलाच्या परीक्षेची काळजी होती.
त्यांनी मुलाच्या मनःस्थितीशी तडजोड केली. परीक्षा उत्तीर्ण झाल्यानंतर आणि कॉलेज सोडल्यानंतर मुलगा नैराश्यात गेला. यावेळी जेव्हा पालकांना कळले की, ती शिक्षिका आपल्या मुलाशी पुन्हा संपर्क साधण्याचा प्रयत्न करत आहेत, तेव्हा त्यांनी पोलिसांशी संपर्क साधला.
'आज-काल हे तर चालतंच... असं म्हणाली अन्'
मुंबई पोलिसांच्या म्हणण्यानुसार, डिसेंबर 2023 मध्ये शाळेच्या वार्षिक कार्यक्रमादरम्यान झालेल्या बैठकीत आरोपी शिक्षिका तिच्या विद्यार्थ्याकडे आकर्षित झाली. जानेवारी 2024 मध्ये तिने तिच्या विद्यार्थ्याशी लैंगिक संबंध ठेवल्याचा आरोप आहे. या प्रकरणात महिला शिक्षिकेच्या एका मैत्रिणीलाही आरोपी बनवण्यात आले आहे. जी विद्यार्थ्याला अनैतिक संबंध ठेवण्यास प्रवृत्त करत राहिली.
हे ही वाचा>> Mumbai: शिक्षिका चटावलेली शरीर संबंधांना, विद्यार्थ्याला घेऊन जायची थेट 5 स्टार हॉटेलच्या रुममध्ये अन्...
ती अनेकदा मुलाला सांगायची की 'आजकाल प्रौढ महिला आणि किशोरवयीन मुलांमध्ये शारीरिक संबंध असणे खूप सामान्य झाले आहे. तुम्ही दोघेही एकमेकांसाठी बनवलेले (मेड फॉर इच अदर) आहात.' त्यानंतर ती मैत्रीणच पहिल्यांदा विद्यार्थ्याला तिच्या कारमधून शिक्षिकेकडे घेऊन गेली होती. कॉलेज सोडल्यानंतर, शिक्षिकेच्या मैत्रिणीने पुन्हा विद्यार्थ्याशी संपर्क साधला होता. या प्रकरणात पोक्सो कायद्यांतर्गत गुन्हा दाखल करण्यात आला आहे.
गुजरातमध्ये एक शिक्षिका झालेली गर्भवती
एप्रिल महिन्यात, गुजरातमध्ये अशीच एक घटना घडली होती, जेव्हा एक ट्यूशन टिचर चक्का तिच्या 13 वर्षांच्या विद्यार्थ्यासोबत पळून गेली होती. ती विद्यार्थ्यासोबत वडोदरा, अहमदाबाद, जयपूर, वृंदावन आणि दिल्लीमध्ये फिरत होती. या काळात शिक्षिकेने त्या मुलाशी शारीरिक संबंध देखील ठेवले होते, ज्यामुळे ती गर्भवतीही राहिली होती.
दरम्यान, तिला राजस्थान-गुजरात सीमेवरून अटक करण्यात आली होती. पकडल्यानंतर तिने गर्भपातासाठी न्यायालयात याचिका दाखल केली होती.
कमी वयाची मुलं प्रोढ महिलांच्या जाळ्यात कसे अडकतात?
आतापर्यंत अशा स्वरुपाच्या अनेक घटना या परदेशात घडल्या आहेत. जिथे विद्यार्थ्यांशी संबंध ठेवणाऱ्या शिक्षकांना न्यायालयात कठोर शिक्षा देण्यात येते. भारतात अजूनही अशा घटना दुर्मिळ आहेत. द कॉन्व्हर्सेशन या ब्रिटिश संस्थेच्या अहवालानुसार, मुलं किंवा कमी वयाचे तरुण यांच्यावर लैंगिक अत्याचार करणाऱ्या महिलांमध्ये बहुतांश महिला शिक्षिका असतात.
असं कृत्य करणाऱ्या या महिला या सगळ्या गोष्टीला 'प्रेम' म्हणतात, परंतु त्यांच्या शारीरिक आणि भावनिक गरजा पूर्ण करण्यासाठी त्या अशा प्रकारचं कृत्य करतात. तरुण मुलं ही त्यांच्यासाठी प्रौढ पुरुषांपेक्षा कायम कमी धोकादायक असल्याचं त्या मानतात. कारण या नातेसंबंधांमध्ये महिलांना नियंत्रण ठेवणं सोप्पं असतं.
मुंबईतील शिक्षिका देखील त्याच मानसशास्त्राने प्रेरित असल्याचे मानले जाऊ शकते, जे तपासानंतरच समजू शकेल.
हे वाचलं का?
