Govt Job: इंडियन एअरफोर्समध्ये नोकरीची मोठी संधी! लाखोंच्या घरात मिळणार पगार... कधीपासून कराल अर्ज?
भारतीय हवाई दलाकडून AFCAT 2025 या भरतीचं नोटिफिकेशन जाहीर करण्यात आलं आहे. या भरतीमध्ये फ्लाइंग ऑफिसर, टेक्निकल आणि ग्राउंड ड्यूटी ब्रांचमध्ये उमेदवारांची नियुक्ती केली जाते.
ADVERTISEMENT
बातम्या हायलाइट
इंडियन एअरफोर्समध्ये नोकरीची मोठी संधी!
लाखोंच्या घरात मिळणार पगार...
कधीपासून कराल अर्ज?
Govt Job: सरकारी नोकरीच्या प्रयत्नात असणाऱ्या तरुणांसाठी भारतीय हवाई दलात नोकरीची मोठी संधी उपलब्ध झाली आहे. भारतीय हवाई दलाकडून AFCAT 2025 या भरतीचं नोटिफिकेशन जाहीर करण्यात आलं आहे. या भरतीमध्ये फ्लाइंग ऑफिसर, टेक्निकल आणि ग्राउंड ड्यूटी ब्रांचमध्ये उमेदवारांची नियुक्ती केली जाईल. या भरतीसाठी अर्ज करण्याची प्रक्रिया 10 नोव्हेंबर 2025 रोजी सुरू होणार असल्याची माहिती आहे. या भरतीमध्ये सहभागी होण्यासाठी उमेदवार afcat.cdac.in या अधिकृत वेबसाइटवर जाऊन अर्ज करू शकतात.
काय आहे पात्रता?
भारतीय हवाई दलाच्या AFCAT 2025 या भरतीसाठी अर्ज करण्यासाठी उमेदवारासाठी किमान वय 20 वर्षे आणि कमाल 24 वर्षे अशी वयोमर्यादा निश्चित करण्यात आली आहे. यापैकी, फ्लाइंग ब्रांच पदासाठी कमी वय असलेल्या उमेदवारांचीच निवड केली जाणार आहे. तसेच, भरतीसाठी अर्ज करण्यासाठी उमेदवाराचं नॉन टेक्निकल ब्रांचमध्ये कोणत्याही विषयात ग्रॅज्युएशन असणं आवश्यक आहे. महत्त्वाची बाब म्हणजे, ग्रॅज्युएशनमध्ये किमान 50 टक्के गुण असणं गरजेचं आहे. तसेच, टेक्निकल ब्रांचसाठी किमान 60 टक्के गुणांसह B.Tech किंवा BE डिग्री उत्तीर्ण असणं अनिवार्य आहे.
या भरतीमध्ये सहभागी होण्यासाठी अर्ज करण्यासाठी सर्व प्रवर्गातील उमेदवारांना 550 रुपये शुल्क भरावं लागणार आहे. यासाठी कोणतीही सूट देण्यात येणार नाही.
कशी होणार निवड?
या भरतीच्या माध्यमातून उमेदवारांची चार टप्प्यांतून निवड केली जाणार आहे. यासाठी उमेदवारांना आधी लेखी परीक्षेत उत्तीर्ण व्हावं लागेल. त्यानंतर, लेखी परीक्षेत यशस्वी झालेल्या उमेदवारांना SSB इंटरव्ह्यूसाठी बोलवलं जाईल. हा टप्पा पाच दिवस कालावधीचा असल्याची माहिती आहे. त्यानंतर, डॉक्यूमेंट व्हेरिफिकेशन म्हणजेच उमेदवारांचा दस्तऐवजांची तपासणी होईल. शेवटी, मेडिकल चाचणी उत्तीर्ण व्हावी लागेल. ही मेडिकल टेस्ट इन्स्टिट्यूट ऑफ एव्हिएशन मेडिसिन, बंगळुरू आणि एअरफोर्स सेंट्रल मेडिकल इस्टाब्लिशमेंट, नवी दिल्ली या दोन ठिकाणीच घेतली जाणार आहे.
हे वाचलं का?
