Ajit Pawar: सरकार कोणाचंही असो अजित पवार उपमुख्यमंत्री बनायचे, दादांची 45 वर्षांची राजकीय कारकीर्द कशी होती?
राज्याचे उपमुख्यमंत्री अजित पवार यांचं बुधवारी (28 जानेवारी) विमान अपघातात मृत्यू झाला. बारामतीच्या विद्या प्रतिष्ठान मैदानात अजित पवार यांच्यावर अंत्यसंस्कार करण्यात आले. अजित पवारांनी त्यांचे काका शरद पवार यांच्या मार्गदर्शनाखाली राजकारणाची मूलतत्त्वे शिकली. मागील 16 वर्षे महाराष्ट्रात कोणत्याही पक्षाचं सरकार असलं तरी अजित पवारांनी सर्वाधिक वेळा उपमुख्यमंत्री पद भूषवलं.
ADVERTISEMENT
बातम्या हायलाइट
सरकार कोणाचंही असो अजित पवार उपमुख्यमंत्री बनायचे
दादांची 45 वर्षांची राजकीय कारकीर्द कशी होती?
Ajit Pawar: राज्याचे उपमुख्यमंत्री अजित पवार यांचं बुधवारी (28 जानेवारी) विमान अपघातात मृत्यू झाला. विमान बारामतीत लॅन्ड होत असतानाच हा भीषण अपघात झाला. दरम्यान, विमानात उपस्थित असलेल्या पाचही जणांचा मृत्यू झाला असून गुरुवारी बारामतीच्या विद्या प्रतिष्ठान मैदानात अजित पवार यांच्यावर अंत्यसंस्कार करण्यात आले. अजित पवारांनी त्यांचे काका शरद पवार यांच्या मार्गदर्शनाखाली राजकारणाची मूलतत्त्वे शिकली. मागील 16 वर्षे महाराष्ट्रात कोणत्याही पक्षाचं सरकार असलं तरी अजित पवारांनी सर्वाधिक वेळा उपमुख्यमंत्री पद भूषवलं.
शरद पवारांच्या मार्गदर्शनाखाली राजकारणात प्रवेश
अजित पवार यांनी त्यांच्या 45 वर्षांच्या राजकीय कारकिर्दीत एकदा खासदार, आठवेळा आमदार आणि सहावेळा उपमुख्यमंत्री पदावर काम केलं. शिवाय, ते महाराष्ट्रात सर्वाधिक अर्थसंकल्प सादर करणारे अर्थमंत्री होते. त्यांना महाराष्ट्राच्या राजकारणाचा राजकीय केंद्रबिंदू मानले जात होते आणि त्यामुळेच मुख्यमंत्री फडणवीस यांनी त्यांचं राजकीय संतुलन राखण्यासाठी अजित पवारांना आपल्यासोबत ठेवलं. अजित पवार यांनी शरद पवारांच्या मार्गदर्शनाखाली राजकारणात प्रवेश केला. 1982 साली एका सहकारी साखर कारखान्याच्या संचालक मंडळावर निवडून आल्यावर अजित पवार यांनी राजकारणात प्रवेश केला. 1991 मध्ये ते पुणे जिल्हा सहकारी बँकेचे चेअरमन बनले आणि त्याच वर्षी ते पहिल्यांदा बारामतीतून काँग्रेस पक्षाचं तिकीट मिळवून खासदार म्हणून निवडून आले.
सलग 8 वेळा आमदार
मात्र, काही काळानंतर त्यांनी आपले काका शरद पवार यांच्यासाठी ते पद सोडलं आणि नंतर या पदासाठी शरद पवारांनी पोटनिवडणूक जिंकली आणि पी.व्ही. नरसिंह राव यांच्या सरकारमध्ये संरक्षण मंत्री झाले. त्यानंतर, अजित पवारांनी महाराष्ट्राच्या राजकारणात सहभागी होण्याचा निर्णय घेतला आणि त्यांनी 1993 मध्ये विधानसभा निवडणूक लढली. यानंतर ते सलग 8 वेळा आमदार राहिले. अजित पवारांनी 1993 आणि 1995 मध्ये काँग्रेसच्या तिकिटावर महाराष्ट्र विधानसभा निवडणूक जिंकली. त्यानंतर त्यांनी राष्ट्रवादी काँग्रेसच्या तिकिटावर निवडणूक लढवली आणि 1999, 2004, 2009, 20014 आणि 2024 मध्ये आमदार झाले. जेव्हा शरद पवार मुख्यमंत्री झाले तेव्हा त्यांना मंत्री करण्यात आलं. अशाप्रकारे, त्यांनी त्यांच्या राजकीय कारकिर्दीत स्वत:चा प्रभावही निर्माण केला.
सर्वाधिक वेळा महाराष्ट्राचे उपमुख्यमंत्रीपद भूषवलं
त्यांना सरकारमध्ये बरीच महत्त्वाची मंत्रीपदे भूषवण्याचा अनुभव आहे, त्यांनी राज्य सरकारमध्ये कृषी, ऊर्जा आणि नियोजन राज्यमंत्री म्हणून काम पाहिलं, तसेच सुधाकर नाईक यांच्या सरकारमध्ये कृषी आणि ऊर्जा राज्यमंत्री म्हणून काम केलं. अजित पवार यांनी सर्वाधिक वेळा महाराष्ट्राचे उपमुख्यमंत्रीपद भूषवलं आहे. त्यांनी सहा वेळा महाराष्ट्राचे उपमुख्यमंत्रीपद भूषवले असून पहिल्यांदा 2010 ते 2012 दरम्यान त्यांनी उपमुख्यमंत्री म्हणून काम पाहिलं. डिसेंबर 2012 ते सप्टेंबर 2014 पर्यंत पृथ्वीराज चव्हाण यांच्या सरकारमध्ये त्यांनी उपमुख्यमंत्री म्हणून दुसऱ्यांदा काम केलं. 2019 च्या महाराष्ट्र विधानसभा निवडणुकीनंतर, अजित पवार अनपेक्षितपणे भारतीय जनता पक्षात सामील झाले आणि तिसऱ्यांदा उपमुख्यमंत्री बनले. परंतु, त्यावेळी अवघ्या दोन दिवसांतच त्यांनी पदाचा राजीनामा दिला.
हे वाचलं का?
