ठाण्यात काँग्रेसच्या नेत्याला एकनाथ शिंदेंच्या कार्यकर्त्यांकडून मारहाण
मुख्यमंत्री एकनाथ शिंदे यांच्याबद्दल आक्षेपार्ह पोस्ट केल्याचा आरोप करत शिवसेनेच्या पदाधिकाऱ्यांनी ठाण्यातील काँग्रेसच्या नेत्याला मारहाण केली. या प्रकरणात आता जितेंद्र आव्हाडांनी टीका केली आहे.
ADVERTISEMENT
Eknath Shinde Supporters beaten congress leader in thane : ठाण्यातील काँग्रेसचे प्रवक्ते गिरीश कोळी यांना मुख्यमंत्री एकनाथ शिंदे यांच्या समर्थकांनी मारहाण केल्याची घटना समोर आली आहे. या घटनेचा व्हिडीओ सोशल मीडियावर व्हायरल झाला आहे. या घटनेवरून राष्ट्रवादी काँग्रेसचे आमदार जितेंद्र आव्हाड यांनी थेट मुख्यमंत्री शिंदेंना लक्ष्य केलं.
मुख्यमंत्री एकनाथ शिंदे यांच्याबद्दल आक्षेपार्ह पोस्ट केल्याचा आरोप करत शिवसेनेच्या पदाधिकाऱ्यांनी ठाण्यातील काँग्रेसचे प्रवक्ते गिरीश कोळी यांना मारहाण केली. शिवसेना कोपरी उपविभाग प्रमुख बंटी बाडकर यांच्यासह इतर शिवसैनिकांनी गिरीश कोळी यांना मारहाण केली.
हेही वाचा – ‘माझ्यावर ठाकरेंचं प्रचंड ओझंय’, आव्हाडांनी सांगितला ‘तो’ इंटरेस्टिंग किस्सा
“मी तुला किती वेळा सांगितलं”
गिरीश कोळी यांना शिवसैनिकांनी मारहाण करताना केली. “तू का पोस्ट टाकली? तू भाईंबद्दल का बोलतो? का पोस्ट टाकतो? मी तुला किती वेळा सांगितलं की, तू साहेबांबद्दल बोलायचं नाही. तू का बोलतो साहेबांबद्दल? तू चैत्र नवरात्र करतो, तर किती जणांना खायला घालतो? तुला मी किती वेळा समजावलं? तुला काँग्रेसने पदावरून काढलं ना? तू आधी पोस्ट डिलीट कर. तू परत साहेबांबद्दल काही टाकलं तर लक्षात ठेव. तू साहेबांची जाहीर माफी माग नाहीतर मी तुला लय चोपेन”, असं म्हणत शिवसेनेच्या कार्यकर्त्यांनी कोळी यांना मारहाण केली.
जितेंद्र आव्हाडांचं ट्विट, एकनाथ शिंदेंवर टीका
ठाण्यातील या घटनेचा राष्ट्रवादी काँग्रेसचे आमदार जितेंद्र आव्हाड यांनी व्हिडीओ टविट केला आहे. हा व्हिडीओ शेअर करताना आव्हाडांनी मुख्यमंत्री एकनाथ शिंदे यांच्यावर टीका केली आहे.
हे वाचलं का?
