महिला डॉक्टरची हत्या की आत्महत्या? 7 वाजता मृत्यू, बहिणीच्या स्टेटसला 11 वाजता लाईक? सुषमा अंधारेंचे सनसनाटी दावे
Sushma andhare on Satara female doctor case : महिला डॉक्टरची हत्या की आत्महत्या? 7 वाजता मृत्यू, बहिणीच्या स्टेटसला 11 वाजता लाईक? सुषमा अंधारेंचे सनसनाटी दावे
ADVERTISEMENT
बातम्या हायलाइट
महिला डॉक्टरची हत्या की आत्महत्या?
मृत्यूनंतर रात्री 11 वाजता बहिणीचा स्टेटस लाईक केला?
ठाकरे गटाच्या नेत्या सुषमा अंधारे यांचे सनसनाटी दावे
Sushma andhare on Satara female doctor case : साताऱ्यातील महिला डॉक्टरच्या आत्महत्येवरुन राज्यातील राजकारण तापलंय. विरोधकांनी भाजपचे माजी खासदार रणजितसिंह नाईक निंबाळकर यांच्यावर गंभीर आरोप केले आहेत. दरम्यान, आता ठाकरेंच्या शिवसेनेच्या नेत्या सुषमा अंधारे यांनी महिला डॉक्टरने आत्महत्या केली नसून त्यांची हत्या झाल्याचा सनसनाटी दावा केलाय. याबाबत त्यांनी काही शंकास्पद पुरावे देखील मांडले आहेत. सुषमा अंधारेंनी पत्रकार परिषद घेत अनेक प्रश्न उपस्थित केले आहेत.
निरीक्षक शब्दाच्या वेलाटींवरुन सुषमा अंधारेंनी व्यक्त केली शंका
सुषमा अंधारे यांनी दोन कागद दाखवले आणि त्या म्हणाल्या, तुम्ही ही कागदं पाहिली तर डॉक्टर महिलेची आत्महत्या झाली की हत्या? हे विचारण्यासाठी पुरेसा वाव आहे. महिला डॉक्टरने 9 वेळेस चार पानांचं पत्र लिहिलंय. यामध्ये निरीक्षक या शब्दाची वेलांटी दुसरी आहे. हातावर सुसाईड नोट आहे, त्यावर निरीक्षक शब्दाची वेलांटी पहिली आहे.
बहिणीने ठेवलेल्या स्टेटस 11 वाजून 6 मिनीटांनी लाईक केला?
पुढे बोलताना सुषमा अंधारे म्हणाल्या, पीडित महिला डॉक्टरच्या बहिणीने व्हाट्सअॅपला एक स्टेटस ठेवला होता. तो स्टेटस पीडित महिला डॉक्टरने 11 वाजून 6 मिनीटांनी लाईक केला आहे. तिचा मृत्यू आधीच 7 वाजता झाला असल्याचं दाखवत असाल तर नंतर 11 वाजता ती व्हाट्सअॅप स्टेटस लाईक कसा करते? असा सवाल सुषमा अंधारे यांनी उपस्थित केलाय.
हे वाचलं का?
