Crime: मुरबाडमध्ये माजी सभापतीने तरुणाचे दोन्ही हातच छाटले, पंजाही कापून फेकला!
Crime News: एका जुन्या वादातून मुरबाडमधील पंचायत समितीच्या माजी सभापतीने एका २७ वर्षीय तरुणाचे दोन्ही हात तलवारीने मुळापासून छाटल्याची अत्यंत भयंकर घटना घडली आहे.
ADVERTISEMENT
Thane Crime News: मुरबाड: ठाणे जिल्ह्यातील मुरबाड (Murbad) तालुक्यातून अत्यंत धक्कादायक असं वृत्त नुकतंच समोर आलं आहे. एका जुन्या भांडणाच्या रागातून माजी सभापतीने तरुणाचे दोन्ही हात मुळापासून छाटून टाकल्याची अत्यंत भयकंर घटना घडली आहे. या घटनेमुळे परिसरात खळबळ उडाली असून भीतीचे वातावरण पसरले आहे. (27 year old man hands were cut off by a former chairman of a panchayat samiti in murbad due to an old dispute)
मिळालेल्या माहितीनुसार मुरबाडमध्ये काल (15 डिसेंबर) संध्याकाळी मुरबाड बारवी धरण रस्त्यावर देवपे गावातील तरुण सुशील भोईर (वय 27 वर्ष) हा रिक्षाने जात असतानाच त्याच्यावर हा जीवघेणा हल्ला झाला.
नेमकं प्रकरण काय?
आरोपानुसार, मुरबाड पंचायत समितीचे माजी सभापती श्रीकांत धुमाळ आणि सुशील भोईर यांच्यात काही मुद्द्यांवरून जुना वाद होता. याच गोष्टीचा राग श्रीकांत धुमाळ यांच्या मनात होता. त्याचाच बदला घेण्यासाठी त्यांनी कट रचून सुशील भोईर याच्यावर हल्ला चढवला.
सुशील भोईर याच्यावर पाळत ठेवून त्याच्यावर धुमाळ यांनी जीवघेणा हल्ला केला. सुशील हा रिक्षाने येत असल्याचे पाहताच बारवी धरण परिसरातील निर्जनस्थळी धुमाळ यांनी आपल्या साथीदारांसह कारने सुशीलची रिक्षा अडवली.
हे वाचलं का?
