Badlapur Exclusive : ''आंदोलनात दिसल्यास FIR दाखल करणार'', पीडितेच्या कुटुंबीयांना पोलिसांची धमकी
Badlapur News Case Update : आम्ही शाळेत गेलो होतो. आमच्याकडे वैद्यकीय अहवाल देखील होता. मात्र अशा प्रकारची घटना आमच्या शाळेत घडू शकत नाही, असे शाळा प्रशासनाने पीडितेच्या कुटुंबियांना सांगितले. शाळा प्रशासनाच्या या भुमिकेनंतर आम्ही थेट पोलीस ठाणे गाठून तक्रार दाखल करण्याचा प्रयत्न केला.
ADVERTISEMENT
बातम्या हायलाइट
पोलिसांनी तक्रार दाखलच करून घेतली नाही
मनसेच्या मदतीने तक्रार दाखल करता आली
तक्रार दाखल करून घेण्यास पोलासांची दिरंगाई
Badlapur News Case Update Exclusive : बदलापूरमधील चिमुरडींच्या अत्याचार (Badlapur Assault Case) प्रकरणात दररोज नवनवीन खुलासे समोर येत आहेत. त्यात आता सगळ्यात मोठा खुलासा समोर आला आहे. बदलापूरमधील अत्याचार प्रकरणात ज्यावेळी नागरीकांनी रस्त्यावर उतरून या घटनेचा निषेध करत आंदोलन केले होते. त्यावेळेस पोलिसांनी पीडित चिमुरडीच्या कुटुंबीयांना आंदोलनात सहभागी होण्यापासून रोखले होते. तसेच आंदोलनात सहभागी झाल्यास एफआयआर दाखल करण्यात येईल, अशी धमकी देण्यात आली होती, असा खळबळजनक आरोप पीडितेच्या कुटुंबीयांनी केला आहे. (badlapur school case victim girl family big shocking revealation on assult case read full story)
आजतक, इंडिया टुडेने बदलापूर बलात्कार पीडितेच्या कुटुंबीयांशी बातचीत केली आहे. यावेळी पीडितेच्या कुटुंबीयांनी अनेक धक्कादायक खुलासे केले आहेत. 13 ऑगस्ट रोजी आम्ही खाजगी रूग्णालयात चाचणीसाठी गेलो होतो. या चाचणीत डॉक्टरांनी तुमच्या मुलीसोबत अशी (अत्याचार) घटना घडल्याचे सांगितले. तसेच तिचे रिपोर्टही पॉझिटिव्ह आल्याचे पीडितेच्या कुटुंबीयांनी सांगितले.
दरम्यान पीडितेच्या मैत्रिणीसोबत देखील अशीच घटना घडलेली. त्यामुळे तिच्या रिपोर्टसाठी आम्ही एक दिवस वाट पाहिली. त्यानंतर मैत्रिणीचे रिपोर्टही समोर आल्यानंतर आम्हाला धक्काच बसला. कारण दोन्ही मुलींसोबतच एक सारखीच घटना घडली होती.
हे ही वाचा : MPSC Exam: विद्यार्थ्यांसमोर सरकार झुकलं, MPSC परीक्षेबाबत मोठा निर्णय
मुख्याध्यापक आणि शिक्षकावर कारवाईची मागणी
या संपूर्ण घटनेचा जाब विचारण्यासाठी आम्ही शाळेत गेलो होतो. आमच्याकडे वैद्यकीय अहवाल देखील होता. शाळेचे मुख्याध्यापक आणि शाळेतील शिक्षकांशी या घटनेची माहिती दिली असता. आमच्या शाळेत घडू शकत नाही, असे म्हणत शाळा प्रशासनाने घटनेस नकार दिला. ही घटना शाळेत नसून शाळेबाहेर घडल्याचे म्हटले किंवा सायकल चालवताना घडले असावे,असा दावा केला होता. पण आमच्याकडे वैद्यकीय अहवाल आहे आणि सायकल चालवताना असे घडू शकत नाही,असे आम्ही त्यांना म्हटलं. त्यामुळे शाळेला तातडीने माहिती देऊन देखील त्यांनी काहीच केले नाही. त्यामुळे मुख्याध्यापक आणि शाळेतील शिक्षकांवरही कारवाई करावी, अशी आमची मागणी असल्याचे पीडितेच्या कुटुंबीयांनी केली.
हे वाचलं का?
