10000 अश्लील व्हिडीओ, 40000 फोटो.., टेलीग्रामवरुन विक्री, बँक खात्यात डोळे विस्फारणारी रक्कम!

Crime News : उत्तर प्रदेशातील हरदोई पोलिसांच्या कोतवाली शहर पोलीस पथकाने अत्यंत गुप्तपणे संयुक्त मोहीम राबवून इंटरनेटच्या दुनियेत अश्लीलता पसरवणाऱ्या एका मोठ्या नेटवर्कचा पर्दाफाश केला आहे. या संपूर्ण प्रकरणाची सुरुवात 17 मे 2026 रोजी झाली, जेव्हा हरदोईच्या सायबर पोलीस ठाण्याला एका अत्यंत संवेदनशील प्रकरणाची गुप्त माहिती मिळाली. त्यानुसार, प्रयागराजचा रहिवासी असलेला विकास सिंह हा तरुण टेलिग्राम ॲपच्या माध्यमातून अल्पवयीन मुलांमध्ये पैसे घेऊन अश्लील (पॉर्न) व्हिडिओ आणि फोटो विकत होता. हे प्रकरण थेट लहान मुलांशी आणि डिजिटल अश्लीलतेशी निगडित असल्याने हरदोई पोलिसांनी तात्काळ पावले उचलली. सायबर पोलीस ठाण्यात आरोपी विकास सिंह विरोधात रीतसर गुन्हा दाखल करून त्याला पकडण्यासाठी पोलिसांनी अचूक सापळा रचला.