शैक्षणिक पात्रता काय?

या भरतीसाठी पदांनुसार वेगवेगळी शैक्षणिक पात्रता निश्चित करण्यात आली आहे. 'रिगर' पदासाठी किमान 50% गुणांसह 8 वी उत्तीर्ण, तर 'क्रेन ऑपरेटर ओव्हरहेड' पदासाठी 50% गुणांसह 10 वी उत्तीर्ण असणे आवश्यक आहे. याव्यतिरिक्त इलेक्ट्रिशियन, फिटर, वेल्डर, मशिनिस्ट, डिझेल मेकॅनिक आणि कोपा (COPA) यांसारख्या विविध उर्वरित ट्रेड्ससाठी 50% गुणांसह संबंधित ट्रेडमध्ये 'आयटीआय' (ITI) उत्तीर्ण उमेदवार अर्ज करू शकतात. उमेदवारांचे वय 27 ऑक्टोबर 2026 रोजी किमान 14 वर्षे पूर्ण असणे आवश्यक आहे.

हे ही वाचा : विधानपरिषद निवडणुकीसाठी भाजपची उमेदवार यादी जाहीर, पुण्यातून कोणाला संधी?

अर्जासाठी कोणतीही फी नाही

या भरतीचे विशेष वैशिष्ट्य म्हणजे उमेदवारांकडून कोणतेही परीक्षा किंवा अर्ज शुल्क (Fee) आकारले जाणार नाही, म्हणजेच सर्व प्रवर्गातील उमेदवारांसाठी ही प्रक्रिया पूर्णपणे मोफत आहे. निवड झालेल्या उमेदवारांना मुंबई येथे प्रशिक्षण व नोकरीची संधी मिळणार आहे. अर्जदारांची निवड नौदलाच्या विहित निकषांनुसार केली जाणार असून, केंद्र सरकारच्या नियमांनुसार योग्य प्रशिक्षण दिले जाईल.

हे ही वाचा : मुंबईची खबर : मुंबईच्या तलावांतील पाणीसाठा घटला, 'या' तलावात सर्वात कमी पाणी

अर्जाची अंतिम तारीख

या भरतीसाठी ऑनलाइन अर्ज करण्याची अंतिम तारीख 27 ऑक्टोबर 2026 आहे. त्यामुळे पात्र आणि इच्छुक उमेदवारांनी अंतिम तारखेची वाट न पाहता लवकरात लवकर आपले अर्ज ऑनलाइन प्रणालीद्वारे सबमिट करावेत. अधिक माहिती व सविस्तर जाहिरातीसाठी उमेदवारांनी नौदलाच्या अधिकृत संकेतस्थळाला (indiannavy.gov.in) भेट द्यावी.