रात्री घरी पोहोचण्यासाठी उशीर, एकट्या महिलेला पाहाताच 7 जणांमधील राक्षस जागा झाला, अन्..
Crime News : रात्री उशीर झाल्यानंतर घरी जाण्यासाठी मदत महिलेने मदत मागितली. मात्र, 7 जणांनी निर्जनस्थळी नेऊन तिच्यावर अत्याचार केलाय.
ADVERTISEMENT
बातम्या हायलाइट
7 नराधमांनी एका महिलेवर सामुहिक अत्याचार केलाय.
एकट्या महिलेला पाहाताच 7 जणांमधील राक्षस जागा झाला
Crime News : छत्तीसगडमधील Janjgir-Champa जिल्ह्यात नुकत्याच घडलेल्या एका संतापजनक घटनेने संपूर्ण परिसर हादरून गेला आहे. एक महिला 29 सप्टेंबरच्या रात्री साधारण दीड ते दोन वाजताच्या दरम्यान आपल्या घरी जाण्यासाठी मदतीच्या शोधात होती. त्यावेळी काही तरुण तिच्याजवळ आले आणि मदत करण्याच्या बहाण्याने म्हणाले की, आम्ही तुला घरी सोडतो. महिलेने त्यांच्यावर विश्वास ठेवला, पण हाच विश्वास तिच्या आयुष्यातील सर्वात मोठा दु:खद प्रसंग ठरला. त्या तरुणांनी तिला मोटरसायकलवरुन नेले आणि घरी नेण्याऐवजी निर्जनस्थळी घेऊन गेले. तिथे त्यांनी महिलेवर सामुहिक अत्याचार केले आहेत. दरम्यान, या घटनेनंतर सर्व आरोपी फरार झाले आहेत.
7 जणांनी केला अत्याचार
अधिकची माहिती अशी की, नराधमांनी सामुहिक अत्याचार केल्यानंतर सकाळी धीर एकवटून महिला थेट चांपा पोलिस ठाण्यात पोहोचली. तिने रात्री घडलेली संपूर्ण घटना पोलिसांना सांगितली. पोलिसांनी तातडीने केस नोंदवून तपास सुरू केला. परिसरातील सीसीटीव्ही फुटेज तपासल्यानंतर सात मोटरसायकलींवर सात तरुणांचा चेहरे समोर आले. त्याच आधारावर पोलिसांनी सर्व आरोपींची ओळख पटवून एकामागोमाग सर्वांना अटक केली.
प्रदीप मनहर, शिवम बंजारे, कृष्ण खूंटे, अनिल महिलांगे, सूरज टंडन, दीपेश कुमार कुर्रे आणि शानू मिर्झा अशी अटक करण्यात आलेल्या आरोपींची नावे आहेत. सर्वांचे वय साधारण 19 वर्षे असून ते चांपाच्या वेगवेगळ्या ठिकाणांतील आणि घोघरा भागातील रहिवासी आहेत.
हे वाचलं का?
