समाजात कुटुंबाची बदनामी होण्याची भीती, मुलीचा मर्डर करुन हिट अँड रनचा बनाव
Crime News : अहमदाबादमध्ये 22 वर्षीय तरुणीची वडील आणि भावाने कथितरित्या हत्या करून मृत्यूला अपघाताचे स्वरूप दिल्याचा प्रकार उघडकीस आला. सीसीटीव्ही आणि तपासातील विसंगतींमुळे हत्येचा कट उघड झाला असून दोघांना अटक करण्यात आली आहे.
ADVERTISEMENT
बातम्या हायलाइट
समाजात कुटुंबाची बदनामी होण्याची भीती
मुलीचा मर्डर करुन हिट अँड रनचा बनाव
Crime News : अहमदाबादमध्ये 22 वर्षीय सोफिया या तरुणीची हत्या झाल्याचा धक्कादायक प्रकार समोर आला आहे. वडील मोहम्मद फारूक आणि भाऊ मोहम्मद हाबिल यांनी कथितरित्या हातोड्याने तिची हत्या करून हा प्रकार रस्ते अपघातासारखा भासवण्याचा प्रयत्न केला. सोफिया बापोल परिसरातील निकी हॉस्पिटलमध्ये काम करत होती. 12 ऑगस्टच्या रात्री ती भावासोबत मोटारसायकलवरून प्रवास करत असताना एका अज्ञात वाहनाने धडक दिल्याचा दावा करण्यात आला होता. या कथित अपघातात सोफिया आणि हाबिल दोघांनाही गंभीर दुखापत झाली होती. मात्र, सोफियाचा मृत्यू झाला.
हेही वाचा : फ्लाईंग किस, अश्लील हावभाव, दहीहंडीचा उत्सव या थराला का गेला? अविनाश जाधव EXCLUSIVE
हिट अँड रनचा बनाव रचून मुलीची हत्या
या घटनेची सुरुवातीला वाहतूक पोलिसांनी हिट अँड रन अपघात म्हणून चौकशी सुरू केली. त्यानंतर एम डिव्हिजन पोलिसांनीही तपास केला. मात्र, हाबिलने सांगितलेल्या अपघाताच्या ठिकाणी प्रत्यक्षात अपघात झाल्याचे कोणतेही पुरावे पोलिसांना आढळले नाहीत. तसेच सीसीटीव्ही फुटेजमध्येही त्या ठिकाणी अन्य कोणतेही वाहन दिसून आले नाही. हाबिलच्या जबानीत विसंगती आढळल्याने पोलिसांनी त्याची कसून चौकशी केली. चौकशीदरम्यान या प्रकरणामागे हत्या असल्याचे समोर आले आणि हाबिलने वडील फारूक यांच्यासोबत मिळून सोफियाच्या हत्येचा कट रचल्याची माहिती पोलिसांना मिळाली.
हेही वाचा : बायकोचं शीर कापून फ्रीजमध्ये ठेवलं, शुगर डॅडीलाही संपवण्याची धमकी