पत्नीचं अफेअर असल्याचा संशय, पतीने सोशल मीडियावर 'तसले' व्हिडीओ टाकले

Crime News : पत्नीचे खासगी फोटो आणि व्हिडिओ सोशल मीडियावर शेअर केल्याप्रकरणी पतीला अटक करण्यात आली आहे. संशय, राग आणि सोशल मीडियावर प्रसिद्धी मिळवण्याच्या हव्यासातून हा प्रकार घडल्याचा आरोप आहे.

ADVERTISEMENT

Crime News
Crime News
Google CTA
▌

बातम्या हायलाइट

point

पत्नीचं अफेअर असल्याचा संशय

point

पतीने सोशल मीडियावर 'तसले' व्हिडीओ टाकले

Crime News : सोशल मीडियावर चर्चेत राहण्याची इच्छा अनेकांकडून वेगवेगळे प्रकार करून घेत असल्याची उदाहरणे यापूर्वीही समोर आली आहेत. मात्र, या प्रकरणात एका व्यक्तीवर स्वतःच्या पत्नीचे खासगी फोटो आणि व्हिडिओ सोशल मीडियावर अपलोड केल्याचा आरोप करण्यात आला आहे. संशय, वैवाहिक वाद आणि सोशल मीडियावर लक्ष वेधून घेण्याच्या इच्छेमुळे त्याने हे कृत्य केल्याचा आरोप तपासात समोर आला आहे. संबंधित व्यक्तीचे लग्न 2023 मध्ये झाले होते. कुटुंबीयांच्या माहितीनुसार, पतीला पत्नीचे अफेअर असल्याचा संशय होता. पत्नी माहेरी गेली, फोन उशिरा उचलला किंवा नातेवाईकांशी जास्त संवाद साधला तरी तो संशय व्यक्त करत असे.

हेही वाचा : राजघराण्यातील सवतींमध्ये वाद, एकीने रायफल काढली अन्...; धक्कादायक प्रकरण

पती-पत्नीमधील मतभेद वाढत गेले अन्... 

हळूहळू या संशयाचे रूपांतर वैवाहिक तणावात झाले. पती-पत्नीमधील मतभेद वाढत गेले आणि अखेरीस पत्नी माहेरी राहू लागली. याच काळात पतीने पत्नीला बदनाम करण्याच्या उद्देशाने तिच्या खासगी छायाचित्रांचा आणि व्हिडिओंचा वापर केल्याचा आरोप आहे. हे फोटो आणि व्हिडिओ सोशल मीडियावर प्रसारित केल्याची माहिती पत्नीला मिळाल्यानंतर हा वाद केवळ कौटुंबिक राहिला नाही, तर तिच्या सन्मान, गोपनीयता आणि सामाजिक प्रतिष्ठेचा प्रश्न बनला. तपास अधिकाऱ्यांच्या मते, अशा प्रकरणांमध्ये अनेकदा सूडबुद्धी किंवा सोशल मीडियावर अचानक प्रसिद्धी मिळवण्याची इच्छा ही प्रमुख कारणे असतात. या प्रकरणातही दोन्ही बाबी एकत्रितपणे दिसून आल्याचे प्राथमिक तपासातून समोर आले आहे.

हेही वाचा : सलून चालकाच्या प्रेमात वेडी झाली नर्स, शेवटी सडलेला मृतदेह आढळला, काय घडलं?

अखेर आरोपीला अटक करण्यात यश

पीडित महिलेने अखेर सायबर पोलिसांकडे धाव घेतली. 9 जानेवारी 2026 रोजी तिने कटिहार सायबर पोलिस ठाण्यात तक्रार दाखल केली. तक्रारीनंतर पोलिसांनी डिजिटल पुराव्यांचा तपास सुरू केला. विविध सोशल मीडिया अकाउंट्स, पोस्ट्सची छाननी करण्यात आली. तक्रार दाखल झाल्यानंतरही आरोपी काही काळ पोलिसांच्या ताब्यात आला नव्हता. त्यामुळे सायबर पोलिस त्याचा सतत शोध घेत होते. तांत्रिक माहिती, डिजिटल पुरावे आणि स्थानिक पातळीवरील माहितीच्या आधारे पोलिसांनी अखेर आरोपीला अटक करण्यात यश मिळवले. या कारवाईनंतर प्रकरणाला आणखी महत्त्व प्राप्त झाले असून तपास अधिक व्यापक करण्यात आला आहे.

अटकेनंतर झालेल्या चौकशीत आरोपीने संबंधित मजकूर आणि व्हिडिओ सोशल मीडियावर टाकल्याची कबुली दिल्याचे सांगितले जात आहे. मात्र, त्यामागे पत्नीबद्दलचा राग आणि तिच्यावरील संशय हे कारण असल्याचे त्याने नमूद केले. कटिहारचे सायबर डीएसपी आशीफ आलम यांनी स्पष्ट केले की, कोणत्याही व्यक्तीचे खासगी फोटो किंवा व्हिडिओ तिच्या परवानगीशिवाय सोशल मीडियावर शेअर करणे हा कायद्यानुसार गुन्हा आहे. संबंधित व्यक्ती पती, पत्नी, मित्र किंवा अन्य कोणीही असो, दुसऱ्याच्या गोपनीयतेचे उल्लंघन करण्याचा अधिकार कोणालाही नाही. पोलिसांनी आरोपीचा मोबाईल फोनही जप्त केला असून त्यामध्ये काही खासगी फोटो आणि व्हिडिओ आढळल्याची माहिती दिली आहे. आता या डिजिटल पुराव्यांची फॉरेन्सिक तपासणी केली जाणार असून संबंधित सामग्री नेमकी कुठे-कुठे शेअर करण्यात आली आणि ती हटवण्याचा किंवा लपवण्याचा प्रयत्न झाला का, याचा शोध घेतला जात आहे.