पतीचा तिरस्कार अन् 'चमन'वर जीव जडला, 5 लाखांची डील अन् कोणाची झाली हत्या?

Delhi Crime News : दिल्लीतील संगम विहार परिसरातून पतीच्या हत्येची धक्कादायक घटना समोर आली आहे. पोलिसांच्या माहितीनुसार, मंजू उर्फ नाजिया हिने कथित प्रियकर चमनसोबत मिळून पती मुन्ना लाल यांच्या हत्येचा कट रचल्याचा आरोप आहे. हत्या केल्यानंतर या घटनेला चोरीदरम्यान घडलेल्या प्रकाराचे स्वरूप देण्याचा प्रयत्न करण्यात आल्याचे पोलिसांचे म्हणणे आहे. 10 ऑगस्ट रोजी सकाळी सुमारे 5 वाजून 15 मिनिटांनी एका अज्ञान व्यक्तीच्या जखमी अवस्थेत पडल्याची माहिती पोलिसांना मिळाली. पोलिस घटनास्थळी पोहोचले असता मुन्ना लाल मृतावस्थेत आढळले. त्यांच्या शरीरावर मारहाणीच्या अनेक खुणा होत्या. त्यावेळी पत्नीने घरात चोर घुसले होते आणि त्यांच्याशी झालेल्या वादात पतीचा मृत्यू झाल्याचे पोलिसांना सांगितले.