रीलसाठी अल्पवयीन मुलाने स्कॉर्पिओ बेदरकारपणे चालवली, 23 वर्षीय तरुणाचा जीव गेला; एकट्याने वाढवणारी आई धाय मोकलून रडली
delhi dwarka accident : साहिल यांची आई इन्ना माकन या एकल पालक आहेत. त्यांनी धाय मोकलून रडत असताना सांगितले की, “साहिल हा माझा एकमेव आधार होता. 23 वर्षे मी त्याला एकटीने वाढवले. मोठ्या कष्टाने त्याला सक्षम बनवले. पण एका क्षणात माझं सर्वस्व हिरावलं गेलं.” त्यांच्या मते, हा केवळ अपघात नसून जाणीवपूर्वक केलेली गुन्हेगारी कृती आहे.
ADVERTISEMENT
बातम्या हायलाइट
रीलसाठी अल्पवयीन मुलाने स्कॉर्पिओ बेदरकारपणे चालवली, 23 वर्षीय तरुणाचा जीव गेला;
एकट्याने वाढवणारी आई धाय मोकलून रडली
delhi dwarka accident : दिल्लीतील द्वारका परिसरात 3 फेब्रुवारी रोजी भीषण अपघातात एका 23 वर्षीय तरुणाला जीव गमवावा लागलाय. रील बनवण्याच्या नादात भरधाव स्कॉर्पिओ चालवणाऱ्या 17 वर्षीय अल्पवयीन मुलाच्या गाडीने 23 वर्षीय साहिल धनेशरा यांच्या दुचाकीला जोरदार धडक दिली. या अपघातात साहिल यांचा जागीच मृत्यू झाला असून एका कॅब चालकाला गंभीर दुखापत झाली आहे.
मिळालेल्या माहितीनुसार, साहिल 3 फेब्रुवारी रोजी दुपारी आपल्या कार्यालयाकडे जात होते. त्याच वेळी दुसऱ्या लेनमधून येणारी (UP57BM3057) क्रमांकाची स्कॉर्पिओ स्टंट करत भरधाव वेगात त्यांच्या दुचाकीसमोर आली आणि समोरासमोर धडक झाली. प्रत्यक्षदर्शींनी दिलेल्या माहितीनुसार, धडकेनंतरही चालकाने ब्रेक लावले नाहीत. या अपघातात रस्त्याच्या कडेला असलेला एक कॅब चालकही जखमी झाला असून त्याच्यावर उपचार सुरू आहेत.
साहिल यांची आई इन्ना माकन या एकल पालक आहेत. त्यांनी धाय मोकलून रडत असताना सांगितले की, “साहिल हा माझा एकमेव आधार होता. 23 वर्षे मी त्याला एकटीने वाढवले. मोठ्या कष्टाने त्याला सक्षम बनवले. पण एका क्षणात माझं सर्वस्व हिरावलं गेलं.” त्यांच्या मते, हा केवळ अपघात नसून जाणीवपूर्वक केलेली गुन्हेगारी कृती आहे.
हे वाचलं का?
