तुळजाभवानी मंदिरात पोलिसांचा राडा! मंदिर संस्थानच्या सुरक्षा रक्षकाचं डोकं फोडलं VIDEO
Dharashiv Crime News : पितळी गेटमधून प्रवेश नाकारल्याने वाद; तीन ते चार पोलीस कर्मचाऱ्यांकडून मारहाण झाल्याचा आरोप, घटनेचा व्हिडिओ 'मुंबई Tak'च्या हाती
ADVERTISEMENT
बातम्या हायलाइट
तुळजाभवानी मंदिरात पोलिसांचा राडा!
मंदिर संस्थानच्या सुरक्षा रक्षकाचं डोकं फोडलं, काय घडलं?
Dharashiv Crime News, गणेश जाधव : महाराष्ट्राची कुलस्वामिनी आई तुळजाभवानीच्या मंदिरात नवरात्रोत्सवाचा उत्साह सुरू असतानाच मारहाणीची धक्कादायक घटना समोर आली आहे. मंदिरातील पितळी गेटमधून काही जणांना प्रवेश देण्यास नकार दिल्याच्या कारणावरून मंदिर संस्थानच्या सुरक्षा रक्षक संजय ननावरे यांना तीन ते चार पोलीस कर्मचाऱ्यांनी बेदम मारहाण केल्याचा आरोप आहे. या मारहाणीत सुरक्षा रक्षकाचे डोके फुटून तो जखमी झाला आहे. या घटनेचा व्हिडिओ 'मुंबई तक'च्या हाती लागला आहे.
हेही वाचा : Astrology : ऑक्टोबर महिन्यात 'या' राशींचे भाग्य उजळणार, नवपंचम योग पैशांचा पाऊस पाडेल
नेमका वाद कशावरून झाला?
तुळजाभवानी मंदिरात सध्या नवरात्रोत्सवानिमित्त धार्मिक विधी सुरू असून, देवीच्या दर्शनासाठी भाविकांची मोठी गर्दी होत आहे. गर्दीचे नियोजन आणि सुरक्षेच्या दृष्टीने मंदिर परिसरात पोलिसांचा बंदोबस्त तैनात करण्यात आला आहे. याचदरम्यान, मंदिराच्या पितळी गेटमधून काही जणांना आत प्रवेश देण्यावरून वाद झाल्याची माहिती समोर आली आहे. कर्तव्यावर असलेल्या मंदिर संस्थानच्या सुरक्षा रक्षक संजय ननावरे यांनी नियमांनुसार प्रवेश देण्यास नकार दिला. यानंतर संबंधित सुरक्षा रक्षक आणि पोलीस कर्मचाऱ्यांमध्ये वाद झाला. या वादाचे रूपांतर मारहाणीत झाल्याचा आरोप आहे.
हेही वाचा : मावस मेहुण्याच्या प्रेमात पडली पत्नी, दोघांनी मिळून काढला पतीचा काटा, घरमालकावर आळ यावा म्हणून...