POCSO प्रकरणातील आरोपीकडून 6 जणांची हत्या, क्रूर मानसिकतेने कळस गाठला
hyderabad crime news : POCSO प्रकरणातील 35 वर्षीय आरोपीने हैदराबादजवळ एका रात्रीत सहा जणांची हत्या केल्याचा धक्कादायक प्रकार घडला. त्याने स्वतःची पत्नी आणि दोन लहान मुलांचाही जीव घेतल्याचा आरोप आहे.
ADVERTISEMENT
बातम्या हायलाइट
POCSO प्रकरणातील आरोपीकडून 6 जणांची हत्या
क्रूर मानसिकतेने कळस गाठला
hyderabad crime news : 35 वर्षीय शेतकऱ्याने हैदराबादजवळील रंगा रेड्डी जिल्ह्यात एका रात्रीत सात जणांच्या हत्येचा थरार घडवल्याची धक्कादायक घटना शुक्रवारी रात्री समोर आली. या आरोपीने प्रथम POCSO प्रकरणातील 16 वर्षीय पीडित मुलगी, तिची आई आणि आजी यांची हत्या केल्याचा आरोप आहे. त्यानंतर स्वतःच्या घरी जाऊन पत्नी आणि दोन चिमुकल्या मुलांचाही गळा चिरून खून केल्याचे पोलिसांनी सांगितले. या घटनेनंतर आरोपी फरार झाला असून त्याचा शोध घेण्यासाठी पोलिसांनी मोठी मोहीम सुरू केली आहे.
पीडितेच्या घरी जाऊन अनेकांना संपवलं
पोलिसांच्या माहितीनुसार, आरोपीविरोधात मे महिन्यात 16 वर्षीय मुलीचा पाठलाग केल्याप्रकरणी POCSO अंतर्गत गुन्हा दाखल करण्यात आला होता. शुक्रवारी रात्री सुमारे 10.45 वाजता तो आपल्या गावातून सुमारे सहा किलोमीटर अंतरावर असलेल्या शाबाद शहरात मुलीच्या घरी पोहोचला. दरवाजा उघडताच त्याने 42 वर्षीय आईवर चाकूने प्राणघातक हल्ला केल्याचा आरोप आहे. त्यानंतर घरात प्रवेश करून झोपलेल्या 60 वर्षीय आजीची हत्या केली. यानंतर त्याने अल्पवयीन मुलीला जबरदस्तीने कारमध्ये बसवून तेथून नेले. मात्र, त्यावेळी घरात असलेल्या मुलीच्या 20 वर्षीय मानसिकदृष्ट्या दिव्यांग बहिणीला त्याने कोणतीही इजा केली नाही, अशी माहिती पोलिसांनी दिली.
हेही वाचा : 'भाडे टट्टू मागे घेतो... पण सुपारीबाज म्हणतो, मिमिक्री आर्टिस्ट...' फडणवीसांनी एवढं का दाखवलं बोलून?
