किचनमधली दृश्य पाहून पोलिसांचीही तंतरली, मीरा रोड हत्याकांडाची FIR जशीच्या तशी!
मीरा रोड येथे झालेल्या हत्याकांडाबाबत आता अत्यंत धक्कादायक अशी माहिती पोलीस एफआयआरमधून समोर आली आहे. वाचा एफआयआरमधील नेमकी माहिती.
ADVERTISEMENT
CRIME NEWS: मुंबई: मीरा रोड येथील लिव्ह-इन पार्टनरची हत्या (Mira Road Live in Partner Murder) प्रकरण उघडकीस आल्यानंतर संपूर्ण राज्यात एकच खळबळ उडाली आहे. ज्या महिलेसोबत 10 वर्ष लिव्ह-इनमध्ये राहिला त्याच महिलेचा 56 वर्षीय पार्टनरने हत्या करून तिचे तुकडे कुकरमध्ये शिजवल्याची अत्यंत धक्कादायक घटना समोर आली आहे. या प्रकरणात आरोपी मनोज साने (Manoj Sane) याला पोलिसांनी अटक केली आहे. मात्र, जेव्हा स्वत: पोलीस घटनास्थळी पोहचले होते तेव्हा त्यांची देखील आतील दृश्य पाहून भंबेरी उडाली होती. याबाबत पोलिसांनी दाखल केलेल्या एफआयआरनुसार (Police FIR) बरीच खळबळजनक माहिती समोर आली आहे. (mira road live in partner murder cooker manoj sane saraswati vaidya police fir as it is geeta aakashdeep building)
मीरारोड हत्या प्रकरणातील FIR जसाच्या तसा..
दिनांक 07/06/2023 फिर्याद मी पोलीस उपनिरीक्षक राहुल बाळासाहेब भागतव (वय 35 वर्षे) नोकरी, नयानगर पोलीस ठाणे. सरकारतर्फे फिर्याद लिहून देतो की, मी नयानगर पोलीस ठाणे येथे एप्रिल 2022 पासून नेमणुकीस आहे. आज दिनांक 07/04/2023 रोजी सकाळी 08.00 ते 20.00 वा. पावेतो मला पोलीस ठाणे अंमलदार कर्तव्य नेमण्यात आलेले असल्याने मी सकाळी 08.00 वा. पासून कर्तव्यावर हजर आहे. सुमारे 19.00 वा. मा. वरिष्ठ पोलीस निरीक्षक सो. नयानगर यांनी पोलीस निरीक्षक (गुन्हे व प्रशा) जिलानी सय्यद यांना कळविले की, गितानगर फेज 7 मधील गिता आकाशदिप जे विंग 7 व्या माळयावरील फ्लॅट नं. 704 मधून दुर्गंधी येत आहे, तरी तुम्ही जाऊन काय प्रकार आहे ते पाहा.
त्यावरुन आम्ही सोबत पो.नि. जिलानी सय्यद असे आमचे खाजगी वाहनाने सदर ठिकाणी पोहचलो. तेथे गिता आकाशदिप बिल्डींग जे विंगबाबत वॉचमन यांना विचारपूस करुन 7 व्या माळयावर पोहचलो. फ्लॅट क्र. 704 मधून दुर्गंधी येत असल्याबाबत समोरच राहणारे फ्लॅट क्र. 701 मधील रहिवासी महिला नामे श्रीम. निरज श्रीवास्तव हिने सांगितले.
तिच्याकडून अधिक माहिती घेतली असता तिने सांगितले की, ‘दुपारी माझा मुलगा जेवण करण्याकरिता आला होता. तो जात असतांना त्याने सांगितले की, दुर्गंधी येत आहे. त्याने फ्लॅट क्र. 704 च्या दरवाजाला मागे लोटून नाक लावून वास घेतला व याच फ्लॅटमधून दुर्गंधी येत असल्याची खात्री केली. तसेच दरवाजा वाजविला असता कोणीही दरवाजा उघडला नाही.’
हे वाचलं का?
