शाळकरी मुलाच्या रफ वहीने उलगडले हत्येचे गुपित, रील स्टारचे दोन प्रियकर अन् मोठं कांड

MP Crime News : मध्य प्रदेशच्या गुन्हेगारी जगतात सध्या रीना किरार या नावाची जोरदार चर्चा सुरू आहे. सोशल मीडियावर ग्लॅमरस रील बनवून प्रसिद्धी मिळवणाऱ्या रीनाचे वास्तव एखाद्या डार्क थ्रिलर चित्रपटासारखे भयावह असल्याचे समोर आले आहे. नरसिंहपूर जिल्ह्यातील एका छोट्या गावात जन्मलेली रीना, जिचे आई-वडील लहानपणीच वारले होते, तिचे आयुष्य लग्झरी लाईफ, दोन प्रियकर आणि फसवणुकीच्या जाळ्यात अडकले होते. वयाच्या अवघ्या 16 व्या वर्षी लग्न होऊनही तिचे मन पतीमध्ये रमले नाही आणि ती तिचा जुना प्रियकर अरुण पटेल याच्याकडे परतली. अरुणने तिच्यावर संपत्तीचा वर्षाव केला, मात्र त्याच वेळी राजस्थानच्या वीरू जाट या दुसऱ्या प्रियकराची तिच्या आयुष्यात एन्ट्री झाली आणि इथूनच एका खळबळजनक हत्याकांडाची स्टोरी लिहिली गेली.