मुंबई : नजर काढण्याच्या बहाण्याने घरात शिरला, बहुरुपी तृतीयपंथीयाचा महिलेवर लैंगिक अत्याचार

Mumbai Crime News : मुंबईतील पवई परिसरात नजर काढण्याच्या बहाण्याने घरात शिरलेल्या एका बहुरूपी तृतीयपंथीयाने महिलेवर लैंगिक अत्याचार केल्याची धक्कादायक घटना समोर आली आहे. या प्रकरणी पवई पोलिसांनी गुन्हा दाखल करून अवघ्या चार तासांत आरोपीला अटक केली आहे. या घटनेमुळे परिसरात खळबळ उडाली आहे. पोलिसांनी दिलेल्या माहितीनुसार, 18 ऑगस्ट रोजी दुपारच्या सुमारास तक्रारदार महिला त्यांच्या घरी एकट्या होत्या. त्याचवेळी अनिल नावाचा तृतीयपंथी त्यांच्या घरात शिरला.