नाशिकमध्ये खळबळ! दीड वर्षाच्या मुलासह एकाच कुटुंबातील चौघांचे मृतदेह... नेमकं काय घडलं?

एकाच कुटुंबातील चार जणांचे मृतदेह 

यामध्ये गोविंद बाळू शेवाळे (40) नावाच्या व्यक्तीचा दोरीने गळफास घेत स्वत:चं आयुष्य संपवल्याचं दिसून येत आहे. तसेच, पत्नी, एक मुलगा आणि एक मुलगी यांचे झोपलेल्या अवस्थेत मृतदेह आढळून आले आहेत. एकाच कुटुंबातील चार जणांचे मृतदेह सापडल्याने शहरात एकच खळबळ उडाली आहे. 

हे ही वाचा: Govt Job: 12 वी पास तरुणांसाठी रेल्वेत नोकरीची संधी! 3000 हून अधिक पदांसाठी भरती, लवकरच करा अर्ज...

फाशी घेतलेल्या अवस्थेत आढळला मृतदेह 

गोविंद यांचा फाशी घेतलेल्या अवस्थेत तर कोमल गोविंद शेवाळे (35) खुशी गोविंद शेवाळे (8) आणि शाम गोविंद शेवाळे (1.5 वर्षे) यांचा पलंगावर झोपलेल्या अवस्थेत मृतदेह सापडला. पोलिसांना संबंधित घटनेची माहिती देण्यात आली. त्यानंतर, देवळा पोलीस निरीक्षक, पोलीस उपनिरीक्षक यांच्यासोबत पोलीस कॉन्स्टेबल सुद्धा घटनास्थळी उपस्थित झाले. यासोबतच, अधिक तपासासाठी नाशिक विभागीय फॉरेन्सिक टीम सुद्धा उपस्थित झाली आहे. 

हे ही वाचा: 19 मिनिटांचा प्रायव्हेट क्षण असणारा व्हिडीओ व्हायरल, सोशल मीडिया इन्फ्लुएन्सर केली आत्महत्या? सत्य काय?

धक्कादायक घटनेने गावात शोककळा 

कुटुंबातील चार व्यक्तींच्या सामूहिक आत्महत्येच्या घटनेमागचं नेमकं कारण अद्याप समोर आलेलं नाही. पोलिसांकडून घटनेचा पंचनामा करण्यात आला असून मृतदेह ताब्यात घेण्यात आले आहेत. पोलिसांनी पोस्टमॉर्टमसाठी मृतदेह सरकारी रुग्णालयात पाठवल्याची माहिती आहे. आता, कुटुंबियांनी हा टोकाचा निर्णय का घेतला? याबाबत पोलिसांचा तपास सुरू आहे. दरम्यान, या धक्कादायक घटनेने गावात शोककळा पसरली आहे.