Govt Job: 12 वी पास तरुणांसाठी रेल्वेत नोकरीची संधी! 3000 हून अधिक पदांसाठी भरती, लवकरच करा अर्ज...
रेल्वे भरती बोर्डाच्या (RRB) नॉन टेक्निकल पॉपुलर कॅटेगरी (NTPC) अंडर ग्रेजुएट (UG) च्या भरतीसंबंधी मोठी अपडेट समोर आली आहे.
ADVERTISEMENT
बातम्या हायलाइट
12 वी पास तरुणांसाठी रेल्वेत नोकरीची संधी!
रेल्वेकडून 3000 हून अधिक पदांसाठी भरती अन्...
कसा आणि कधीपर्यंत कराल अर्ज?
RRB NTPC 2025 Recruitment: रेल्वे भरती बोर्डाच्या (RRB) नॉन टेक्निकल पॉपुलर कॅटेगरी (NTPC) अंडर ग्रेजुएट (UG) च्या भरतीसंबंधी मोठी अपडेट समोर आली आहे. रेल्वे बोर्डाने एनटीपीसी यूजी भरती 2025 साठी अर्ज करण्याची शेवटची तारीख पुढे ढकलली आहे. या भरतीसाठी ज्या उमेदवारांनी अजून अर्ज केलेला नाही, ते 4 डिसेंबर पर्यंत ऑनलाइन अर्ज करू शकतात. तसेच, उमेदवारांना अर्जाची फी सुद्धा 6 डिसेंबर पर्यंत भरता येईल. 12 वी उत्तीर्ण असलेले उमेदवार या भरतीमध्ये सहभागी होऊ शकतात.
दरम्यान, रेल्वे भरती बोर्ड NTPC UG 2025 साठी अर्ज कसा करायचा, परीक्षा कशी असेल आणि पात्रता निकष काय असतील याबाबत सविस्तर जाणून घ्या.
कशी होणार परीक्षा?
रेल्वे भरती बोर्ड (RRB)च्या NTPC भरतीसाठी परीक्षा कंप्यूटर बेस्ट लेखी परीक्षा (CBT) घेतली जाईल. नोटिफिकेशनमध्ये दिलेल्या माहितीनुसार, उमेदवारांची परीक्षा केंद्रावर बायोमेट्रिक व्हेरिफिकेशन केलं जाईल. त्यासाठी उमेदवारांना एक्झाम सेंटरमध्ये आधार कार्ड घेऊन जाणं अनिवार्य असणार आहे.
RRB NTPC भरतीमध्ये सहभागी होण्यासाठी उमेदवार ऑनलाइन पद्धतीने अर्ज करू शकतात. यासाठी उमेदवारांना rrbapply.gov.in या रेल्वेच्या अधिकृत वेबसाइटवर जाऊन अर्ज भरावा लागेल.
हे वाचलं का?
