ठाण्यात शिवसेना पदाधिकाऱ्याची निर्घृण हत्या, भररस्त्यात धारदार शस्त्रांनी वार करुन संपवलं

मुंबई तक

टोळक्याने पीडित तरुणाला एकट्यात गाठून त्याची धारदार शस्त्राने वार करत हत्या केल्याचं वृत्त आहे. या प्रकरणी, कल्याण तालुका पोलिसांनी आरोपींविरुद्ध गुन्हा दाखल केला असून आरोपींचा शोध घेण्यासाठी तपास करत आहेत.

ADVERTISEMENT

ठाण्यात शिवसेना पदाधिकाऱ्याची निर्घृण हत्या
ठाण्यात शिवसेना पदाधिकाऱ्याची निर्घृण हत्या
social share
google news

बातम्या हायलाइट

point

ठाण्यात शिवसेना पदाधिकाऱ्याची निर्घृण हत्या

point

भररस्त्यात धारदार शस्त्रांनी वार करुन संपवलं

ठाणे: कल्याण तालुक्यात शिंदेसेनेच्या पदाधिकाऱ्याची निर्घृण हत्या करण्यात आल्याची माहिती आहे. मुरबाड महामार्गावर मामणोली गावाजवळ ही धक्कादायक घटना घडली. घटनेतील मृत व्यक्तीचं नाव किरण घोरड (32) असल्याची माहिती आहे. टोळक्याने पीडित तरुणाला एकट्यात गाठून त्याची धारदार शस्त्राने वार करत हत्या केल्याचं वृत्त आहे. या प्रकरणी, कल्याण तालुका पोलिसांनी आरोपींविरुद्ध गुन्हा दाखल केला असून आरोपींचा शोध घेण्यासाठी तपास करत आहेत. 

रस्ता अडवून धारदार शस्त्राने हल्ला... 

शुक्रवारी (28 नोव्हेंबर) किरण आपल्या कारमधून बाहेर जाण्यासाठी निघाले असता, कल्याण-मुरबाड रोडवर मामणोली गावाजवळून जात असताना हल्लेखोर टोळक्याने पीडित तरुणाचा रस्ता अडवला. त्यानंतर, आरोपींनी धारदार शस्त्राने किरणवर वार केले. संपूर्ण शरीरावर वार झाल्याने ते रक्ताच्या थारोळ्यात खाली कोसळले. त्यानंतर, गंभीररित्या जखमी झालेल्या पीडित तरुणाला तातडीने गोवेली येथील रुग्णालयात नेण्यात आलं. पण, रुग्णालयात त्याचा मृत्यू झाल्याचं डॉक्टरांनी घोषित केलं. 

हे ही वाचा: मुंबई: घाटकोपरमध्ये सुनेकडून सावत्र सासुची हत्या! सीसीटीव्ही फुटेजवरून घटनेचा उलगडा... नेमकं काय घडलं?

गावकऱ्यांमध्ये संतप्त वातावरण 

वृत्तानुसार, प्रकरणातील मृत किरण घोरड  कल्याण तालुक्यातील गोवेली गावात कुटुंबासह राहत होते. ते कल्याण ग्रामीण भागातील शिंदे शिवसेना गटाचे पदाधिकारी होते. किरण यांची हत्या करण्यात आल्याने गावकऱ्यांमध्ये संतप्त वातावरण निर्माण झालं आहे. घटनेची माहिती मिळताच पोलीस तातडीने घटनास्थळी पोहोचले. पोलिसांनी टोळक्यात सहभागी असलेल्या आरोपींविरुद्ध गुन्हा दाखल केला असून सीसीटीव्ही फुटजे आणि इतर बाबींचा शोध घेण्यास सुरूवात केली आहे. 

हे ही वाचा: आम्हाला धमक्या देता, मी शंकरराव मोहिते पाटलांचा नातू; धैर्यशील मोहितेंचा राम सातपुतेंना छातीठोक इशारा VIDEO

पोलिसांचा तपास 

शिंदे गटाच्या पदाधिकाऱ्याच्या हत्येमागील नेमकं कारण उघडकीस आणण्यासाठी पोलिस पथकांकडून प्रयत्न सुरू आहेत. तपासादरम्यान, मिळालेल्या धागेदोऱ्यांच्या आधारे लवकरच आरोपीला अटक केली जाणार असल्याचं सांगण्यात येत आहे. दरम्यान, गावात संतप्त वातावरण असल्याकारणाने कोणतीही अनपेक्षित परिस्थिती उद्भवू नये, म्हणून पोलिसांनी अतिरिक्त बंदोबस्त तैनात केल्याची सुद्धा माहिती आहे. तसेच, लवकरात लवकर आरोपींचा शोध घेऊन त्यांच्यावर कठोर कारवाई करण्यात यावी, अशी मागणी केली जात आहे. 

हे वाचलं का?

    follow whatsapp