आम्हाला धमक्या देता, मी शंकरराव मोहिते पाटलांचा नातू; धैर्यशील मोहितेंचा राम सातपुतेंना छातीठोक इशारा VIDEO
Dhairyasheel Mohite Patil on Ram Satpute : मी शंकरराव मोहिते पाटलांचा नातू; धैर्यशील मोहितेंचा राम सातपुतेंना छातीठोक इशारा; आक्रमक भाषण VIDEO
ADVERTISEMENT
बातम्या हायलाइट
"आम्हाला धमक्या देता, मी शंकरराव मोहिते पाटलांचा नातू"
धैर्यशील मोहितेंचा राम सातपुतेंना छातीठोक इशारा VIDEO
Dhairyasheel Mohite Patil on Ram Satpute, Solapur : सोलापूरचे पालकमंत्री जयकुमार गोरे आणि भाजपचे माजी आमदार राम सातपुते यांना प्रत्युत्तर देण्यासाठी अकलूज नगरपालिकेच्या निवडणुकीत खासदार धैर्यशील मोहिते पाटील यांनी "लाव रे तो व्हिडिओ".... ही स्टाईल वापरली. अकलूजमधील दहशतीच्या मुद्द्यावर राम सातपुते आणि जयकुमार गोरे यांच्या भाषणाच्या काही क्लिप्स दाखवल्या होत्या. अकलूजमध्ये कोण दहशत पसरवत आहे? असे प्रश्नही त्यांनी सभांमधून उपस्थित केले. दरम्यान, धैर्यशील मोहिते पाटील यांनी व्हिडिओच्या माध्यमातून आरोपांना प्रत्युत्तर दिले.. "आम्हाला जेलमध्ये टाकण्याच्या धमक्या दिल्या जातात. मात्र आपण धमक्यांना घाबरत नाही, मी शंकरराव मोहिते पाटलांचा नातू आहे", असा छातीठोक इशारा धैर्यशील मोहिते पाटील यांनी भाजपला दिलाय.
अकलूज नगरपालिका निवडणुकीच्या प्रचारासाठी मोहिते पाटील यांची सभा झाली. यावेळी माढ्याचे खासदार धैर्यशील मोहिते पाटील आक्रमक झालेले पाहायला मिळाले. यावेळी जयसिंह मोहिते पाटील यांनी विधानसभा निवडणुकीमध्ये भाजपकडून आलेल्या 35 कोटीच्या ऑफरचा मोठा खुलासा केला. त्यानंतर आता अनेक चर्चांना तोंड फुटले आहे.
हेही वाचा : बारामतीसह महाराष्ट्रातील 3 नगरपालिकांसदर्भात निवडणूक आयोगाचा मोठा निर्णय, मतदानासाठी नव्या तारखा जाहीर
रामभाऊ माझ्याकडे आला, आतून पाठिंबा देण्यासाठी 35 कोटी देतो म्हणाला - जयसिंह मोहिते
जयसिंह मोहिते पाटील म्हणाले, विधानसभा निवडणुकीवेळी माळशिरस मतदारसंघात आपण आतून पाठिंबा द्यावा, यासाठी देवेंद्र फडणवीस यांच्यासमोर राम सातपुते यांनी आपल्याला 35 कोटी रुपयांची ऑफर दिली होती. तर मतदानापूर्वी तुम्ही शांत रहा म्हणून 50 कोटी रुपयांची ऑफर आली. पण आम्ही उत्तम जानकर यांना शब्द दिला होता. तो शब्द आम्ही पाळला, असा गौप्यस्फोट जयसिंह मोहिते पाटील यांनी केलाय.
हे वाचलं का?
