बारामतीसह महाराष्ट्रातील 3 नगरपालिकांसदर्भात निवडणूक आयोगाचा मोठा निर्णय, मतदानासाठी नव्या तारखा जाहीर
Baramati Nagarpalika Election : स्थगित झालेल्या निवडणुकीसाठी नवी तारीख जाहीर, बारामती नगरपालिकेसंदर्भात निवडणूक आयोगाचा मोठा निर्णय
ADVERTISEMENT
बातम्या हायलाइट
बारामती नगरपालिकेसंदर्भात निवडणूक आयोगाचा मोठा निर्णय
स्थगित झालेल्या निवडणुकीसाठी नवी तारीख जाहीर
Baramati Nagarpalika Election : महाराष्ट्रातील नगरपरिषद आणि नगरपंचायत निवडणुकीचा प्रचार आता अंतिम टप्प्यात आहे. नगरसेवक आणि नगराध्यक्षपदाच्या उमेदवारांना 1 तारखेपर्यंत प्रचार करण्याची मुदत देण्यात आली आहे. त्यानंतर राज्यभरात 2 डिसेंबर रोजी मतदान पार पडणार आहे. पण त्याचदरम्यान राज्य निवडणूक आयोगाने मोठा निर्णय घेत तीन नगरपालिकांची निवडणूक प्रक्रिया पुढे ढकलली आहे. बारामती, फलटण आणि महाबळेश्वर नगरपरिषदांच्या निवडणुकांसंबंधी न्यायालयीन प्रकरणे सुरू असल्याने आयोगाने मतदानाच्या नव्या तारखा जाहीर केल्या आहेत.
बारामती, फलटण व महाबळेश्वरची निवडणूक पुढे ढकलली
फलटण आणि महाबळेश्वर नगरपरिषदेसाठी अनुक्रमे 20 आणि 21 डिसेंबर रोजी मतदान घेण्यात येणार आहे. या दोन्ही नगरपालिकांशी संबंधित याचिका जिल्हा न्यायालयात दाखल असल्याने निकाल देण्यासाठी न्यायालयाने आठ दिवसांचा कालावधी घेतला आहे. त्यामुळे आयोगाने गोंधळ टाळण्यासाठी ही प्रक्रिया पुढे ढकलली. बारामती नगरपरिषदेतही अशाच प्रकारची परिस्थिती निर्माण झाली. उमेदवारी अर्ज भरण्याची मुदत दुपारी तीनपर्यंत होती, मात्र प्रक्रिया त्यापूर्वीच थांबवल्याचा आरोप झाला. तसेच काही उमेदवारांकडून अर्जासंबंधी त्रुटींवर हरकती नोंदवल्या गेल्या. न्यायालयाने भाजपच्या दोन उमेदवारांना मुदत संपल्यानंतरही अर्ज दाखल करण्याची परवानगी दिली होती. नगराध्यक्षपदाच्या उमेदवारांवरही काही आरोप असल्याने, न्यायालयीन प्रक्रियेचे अपील संपेपर्यंत निवडणूक स्थगित ठेवणे योग्य ठरेल, असा निर्णय निवडणूक आयोगाने घेतला.
बारामती निवडणूक 20 डिसेंबरला
बारामतीतील नगराध्यक्षपद आणि सात प्रभागांसंबंधीची याचिका सत्र न्यायालयाने फेटाळली असली तरी अपिलासाठीची मुदत संपलेली नसल्याने आयोगाने निवडणूक थांबवली आहे. आता बारामतीत देखील मतदान प्रक्रिया 20 डिसेंबरला पार पडेल. संबंधित सात जागांसह नगराध्यक्षपदासाठी उमेदवारांना आता आपल्या उमेदवारी मागे घेण्याची संधी मिळणार आहे.
हे वाचलं का?
