'मी इथे झोपा काढायला आलो नाही, तर काहींच्या झोपा उडवायला आलो...', एकनाथ शिंदे थेट भाजपला घेणार शिंगावर?
एकनाथ शिंदे यांनी बदलापूरमध्ये जाहीर सभा घेतली. पण यावेळी त्यांनी भाजपवर अप्रत्यक्ष पण अत्यंत बोचऱ्या शब्दात टीका केली आहे. पाहा ते नेमकं काय म्हणाले.
ADVERTISEMENT
बदलापूर: आगामी नगरपरिषद निवडणुकांचा जोर वाढत असताना राज्याचे उपमुख्यमंत्री आणि शिवसेना (शिंदे गट) प्रमुख एकनाथ शिंदे यांनी बदलापूरमध्ये आज (29 नोव्हेंबर) जाहीर सभा घेतली. या सभेला शिवसैनिकांची मोठी उपस्थिती पाहायला मिळाली. यावेळी बदलापूर शहरप्रमुख वामन म्हात्रे, संपर्कप्रमुख महेश गायकवाड, तसेच मोठ्या संख्येने पदाधिकारी आणि कार्यकर्ते उपस्थित होते. निवडणुकीच्या पार्श्वभूमीवर झालेल्या या सभेत उपमुख्यमंत्री शिंदे यांनी पक्षाच्या विकासकामांची माहिती देत निवडणुकीत शिवसेना (शिंदे गट) उमेदवारांना निवडून देण्याचे आवाहन केले.
शिंदेंनी थेट भाजपला घेतलं शिंगावर?
सभेत बोलताना उपमुख्यमंत्री शिंदे म्हणाले की, 'बदलापूर माझ्यासाठी नवीन नाही आणि मीही बदलापूरकरांसाठी नवीन नाही. येथे माझ्या लाडक्या बहिणी मोठ्या संख्येने आल्या आहेत. मी त्यांचे मनापासून स्वागत करतो. महिलांचा क्रमांक मतदान पेटीत नेहमी पहिल्या क्रमांकावर असतो.'
हे ही वाचा>> ठरलं! राज्यात ZP च्या निवडणुका दोन टप्प्यात? समजून घ्या नेमकं राजकारण आणि बरंच काही
ते पुढे म्हणाले, 'बदलापूर म्हणजे शिवसेनेचा बालेकिल्ला. या शहरात शिवसेनेने सर्वात मोठ्या प्रमाणात विकासकामे केली आहेत. मोठ्या निधीची तरतूद करून महत्त्वाची कामे पूर्ण करण्यात आली. हा निधी बदलापूरसाठी आणण्याचे कार्य वामन म्हात्रे यांनी केले. काही लोक फक्त निधी घेऊन जातात, काय करतात ते माहीत नाही; पण शिवसेनेने प्रत्यक्ष काम करून दाखवले.'
उपमुख्यमंत्री शिंदे यांनी आपल्या कार्यकाळातील विकासकामांची माहिती देताना सांगितले की, 'मुंबई आणि एमएमआर परिसरात मेट्रोचे जाळे, मोठे रस्ते, पायाभूत सुविधा उभारण्याची मोठी कामे सुरू केली. पूर्वीचा बदलापूर आणि आताचा बदलापूर यात मोठा फरक आहे. त्यामुळे पायाखालची वाळू सरकलेली काही लोकांना पराभव दिसू लागला आहे.'
हे वाचलं का?
