निलेश राणेंना मोठा दणका, भाजप कार्यकर्त्याच्या घरात घुसणे महागात पडले, पोलिसांकडून मोठी कारवाई
Nilesh Rane News : निलेश राणेंना मोठा दणका, भाजप कार्यकर्त्याच्या घरात घुसणे महागात पडले, पोलिसांकडून मोठी कारवाई
ADVERTISEMENT
बातम्या हायलाइट
निलेश राणेंना मोठा दणका, भाजप कार्यकर्त्याच्या घरात घुसणे महागात पडले
पोलिसांकडून मोठी कारवाई, गुन्हा दाखल
Nilesh Rane News : मालवण नगरपरिषद निवडणुकीच्या पार्श्वभूमीवर राजकीय वातावरण तापले असताना शिवसेना शिंदे गटाचे आमदार निलेश राणे यांना मोठा धक्का बसला आहे. काही दिवसांपूर्वी आमदार निलेश राणे यांनी भाजप कार्यकर्त्याच्या घरात घुसून पैशांची बॅग शोधून काढली होती. संबंधित पैसा बेहिशोबी आहे का? हे तपासण्याची मागणी देखील त्यांनी केली होती. दरम्यान, भाजप कार्यकर्त्याच्या घरात घुसणे निलेश राणे यांच्या अंगलट आलंय. कारण पोलिसांनी या प्रकरणात निलेश राणेंवर गुन्हा दाखल केलाय. या प्रकरणामुळे मालवणच्या राजकीय वर्तुळात प्रचंड खळबळ उडाली आहे.
मालवण नगरपालिका काबीज करण्यासाठी भाजपकडून जोरदार तयारी सुरू आहे. याच दरम्यान, गुरुवारी आमदार निलेश राणे काही कार्यकर्त्यांसह भाजप पदाधिकारी विजय केनवडेकर यांच्या घरी अचानक पोहोचले. त्यांच्या अनपेक्षित आगमनामुळे घरातील कार्यकर्त्यांमध्ये गोंधळ उडाला. घरात जाण्यापूर्वी राणे म्हणाले,“मी कुणाच्या बेडरूममध्ये जाणार नाही, जे आत आहे ते बाहेर काढा.”
तथापि, कार्यकर्त्यांनी त्यांना आत नेल्यानंतर बेडरूममध्ये मोठ्या रकमेची पैशांनी भरलेली बॅग आढळल्याचा दावा करण्यात आला. पाचशे रुपयांच्या नोटांचे बंडल बॅगेत दिसत असल्याचे व्हिडिओमध्येही दिसत असल्याचा दावा राणेंनी केला. या घटनेने निवडणूक परिसरात मोठी चर्चा सुरू झाली.
हेही वाचा : '.. उद्योगपतींचे दलाल', नाशकात 1800 झाडं तोडण्याचा निर्णय कशासाठी? राज ठाकरेंनी कारणं सांगितली
हे वाचलं का?
